في موسم التخفيضات.. شوف أسعار السيارات المستعملة رايحة على فين؟ - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

يا ترى أسعار السيارات المستعملة رايحة على فين بالتزامن مع موسم التخفيضات بالتزامن مع الجمعة البيضا ونهاية السنة.. إيه اللي هيحصل الأيام الجاية في مصر ولحد نهاية السنة دي .. وامته هنشوف الأسعار مستقرت أو انخفضت، وهل ممكن تحصل معادلة في السوق تنزل بالأسعار من تاني؟.. خليكم معانا للآخر وهتعرفوا التفاصيل

 
لو اتكلمنا عن سوق السيارات المستعملة في مصر، فهنلاقيه هو الأكتر إقبالًا لأن أسعار الزيرو دايمًا في الطالع، وناس كتير بتلجأ للمستعمل عشان أسعاره حنينة شوية، وكمان عشان تمشي نفسها لحد ما الدنيا تظبظ معاهم، وأهي حاجة كويسة تغنيهم عن زحمة المواصلات.

لكن في الأيام الأخيرة، شعبة السيارات في اتحاد الغرف التجارية، اتكلمت عن توقعات أسعار السيارات في مصر لحد نهاية 2024، وقالت إنها مستقرة دلوقتي وهتستقر كمان الفترة الجاية، خاصة في ظل وجود نشاط ملحوظ في المبيعات بنهاية السنة عشان التخفيضات، وكمان بسبب الانخفاض الفعلي في أسعار السيارات الاقتصادية والمستعملة لأغلب الماركات، وقرب ظهور موديلات السنة الجديدة 2025.

عشان كده، من المتوقع أن أسعار السيارات في السنة الجديدة 2025، تشهد استقرارا نسبيا بسبب توفير الدولار للمستوردين في البنوك، وده بيساهم في فتح باب الاستيراد وزيادة المعروض من السيارات في السوق المحلية، وبالتالي توافر المستعمل ونزول أسعاره.

من شهر أكتوبر اللي فات، أسعار السيارات المستعملة تراجعت لكنها استقرت في شهر نوفمبر الحالي، خاصة مع وجود رواج ونشاط في المبيعات، وكمان إقبال أكثر من المستهلك على السيارات المستعملة، فالتوقعات رايحة على زيادة المبيعات مع بداية 2025 خاصة في شهر يناير لأسباب كتيرة منها استقرار الأسعار.
أما أسعار السيارات المستعملة في مصر، فتبتدأ من 50 ألف جنيه، بحسب الموديل وحالة العربية، فالموديلات القديمة بتكون أقل في السعر، وكلما مر وقت أطول على السيارة وتم  استخدامها بشكل أكبر، كلما انخفض سعرها في سوق المستعمل، كمان بتتوفر سيارات مستعملة فيات موديل 2000 بسعر 100 ألف جنيه، 
ضيف على كده، إن في موديلات عالمية بتتصنع دلوقتي محليًا أو داخل مصر، زي سيارة بروتون العلامة التجارية الماليزية، وبتدرج ضمن فئة السيارات الاقتصادية، وهيتم بدء إنتاجها محليا في بداية 2025، عشان كده من المتوقع أن الخطوة دي تساهم في تحقيق توازن في سوق السيارات المصرية، وبالتالي هتتسد الفجوة مع السيارات الأقل سعرا في السوق، لأن العربية دي هتنافس فئات نيسان صني وبي واي دي- BYD.

وقبل ما تشتري المستعمل، هنقولك شوية نصايح عشان تضمن عملية شراء سليمة وفلوسك ماتضعش، أولها إنك لازم تجمع معلومات عن العربية اللي انت ناوي تشتريها كويس، ويفضل تاخد معاك حد فاهم في العربات عشان يتأكد من جودتها ويختبرها كويس، ولو عجبتك العربية وطلعت مناسبة ليك ماتنساش تعمل عقد رسمي بعملية البيع والشراء ويكون موثق في الجهات الحكومية وده عشان تضمن حقك.

وحاول تشتري من مكان معروف ومضمون وسمعته كويسة، وماتنساش توثق أوراق العربية أول بأول، عشان تضمن حقك وفلوسك في نفس الوقت.