بحالة الزيرو.. سيارات مستعملة سعرها أقل من 500 ألف جنيه - غاية التعليمية

غاية التعليمية يكتُب.. فكرت كام مرة تشتري عربية حالتها كويسة وسعرها حلو؟ سؤال معتاد لكل المقبلين على شراء سيارة جديدة.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

وطبعا مع ارتفاع أسعار السيارات المستعملة في مصر واللي وصلت لأسعار فلكية حصل شلل في البيع والشراء بسبب أن سعر العربية أعلى من قيمتها الحقيقية.

وعلشان كده هتعرف في التقرير ده أفضل أنواع السيارات المستعملة في مصر وسعرها أقل من 500 ألف جنيه.

شيفروليه أوبترا 2007

تعتبر الشيفورليه من السيارات المستعملة المنتشرة في الشارع المصري لكن في أنواع مختلفة منها مطلوبة في السوق والسعر كمان كويس زي الاوبترا واللي معروفة بالشكل القديم.

العربية بدأت في 2007 بإعلان منى زكي وأحمد حلمي وعمل انتشار واسع جدا.

العربية سعرها في حدود ٣٠٠ ألف وممكن يوصل ٣٥٠ ألف في حالة الزيرو وتعتبر من أفضل السيارات الاقتصادية في استهلاك البنزين وتكاليف صيانتها وقطع غيارها علي قد الايد ده كمان بجانب أن شكلها مميز وشاملة العائلي مع الشبابي لأن مساحة الصالون الداخلي ليها واسع وفي نفس الوقت ليها شكل رياضي لو هتشتري الأعلى فئة واللي بتتميز بجنوط وفتحة سقف.

بيجو 307

كمان من أفضل السيارات المستعملة في مصر أنواع البيجو واللي ليها زبون خاص متميز بالرفاهيات لأنها كانت من أول شركات اللي اهتمت بالرفاهيات في السيارات زي مثبت السرعة وحساسات الكراسي وعلشان كده تعتبر بيجو 307 موديل 2006 من أفضل السيارات المطلوبة في مصر وخاصة في فئة الشباب والبنات لأن كلها رفاهيات زي فتحة السقف البانوراما وتلاجة صغيرة في التابلوه وحساسات ركن وشاشة أعطال وبينزل منها الصغيرة الهاتشباك ونوع عائلي ٧ كراسي وعلشان كده العربية عليها إقبال ومطلوبة وسعرها يبدأ من 350 ألف ويوصل إلى 450 ألف جنيه في أفضل الحالات.

BYD F0

بجانب الفرنساوي والكوري في كمان الصيني وتعتبر سيارة BYD F0 من أفضل السيارات المستعملة في مصر وكمان افضل السيارات الاقتصادية وده لأنها بتنزل بمحرك 1000 CC وفتيس ٥ نقلات ودي أهم مزاياها وفي نفس الوقت مشاكلها قليلة وهتكون مريحة في الصيانات وسعرها في حدود 200 ألف جنيه.