خطة “الممرات الكبرى”.. مصر هتتحول لمركز اقليمي للتبادل التجاري - غاية التعليمية

غاية التعليمية يكتُب.. مصر حاليا عندها خطة أنها تكون مركز اقليمي للتبادل التجاري بين قارات العالم سواء كانت قارة أفريقيا أو اسيا أو اوربا.. ياتري اية الخطوات اللي عملتها مصر علشان تتحول لمركز اقليمي للتبادل التجاري.. واية الاستفادة اللي هتعود علي مصر من الخطوة دي

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر بقيادة الرئيس عبدالفتاح السيسي حققت طفرة كبيرة في مشروعات النقل والمواصلات وحطت خطة لتطوير منظومة النقل من خلال ربط شبكة الطرق بخطط التنمية والاستغلال الأمثل للثروات.
الهدف الاكبر اللي الدولة المصرية بتسعي لتحقيقه دلوقتي هو التحول لمركز إقليمي للنقل واللوجستيات وتجارة الترانزيت وبدأت الدولة تحققه من خلال 7 ممرات لوجستية متكاملة لربط مناطق الإنتاج (الصناعي – الزراعي – التعديني) بالموانئ البحرية وربط الموانئ البحرية على البحر الأحمر بالموانئ البحرية على البحر المتوسط لخدمة المجتمعات العمرانية الجديدة بواسطة شبكة من السكة الحديدية سواء كانت ديزل أو قطار كهربائي سريع أو شبكة طرق رئيسية مروراً بالموانئ الجافة والمناطق اللوجستية.

الممرات اللوجستية المتكاملة اللي قامت بيها مصر علي مدار الفترة اللي فاتت هيا ممر السـخنة – الإسكندرية اللوجيستي والذي رابط من ميناء السخنة علي البحر الأحمر مروراً بميناء العاشر من رمضان الجاف والمنطقة اللوجستية وهيكون مربوط بشبكة السكك الحديدية من خلال خط الروبيكي العاشر من رمضان بلبيس بطول 63,5 كم والمنطقة الصناعية بالعاشر من رمضان مرورا بالقاهرة، وهيربط كمان مدينة 6 أكتوبر الصناعية والميناء الجاف والمنطقة اللوجستية وصولا لميناء الإسكندرية الكبير.
تاني ممر الدولة عملته هو ممر العريش طابا اللوجيستي واللي بيبدأ من ميناء العريش علي البحر المتوسط ولحد ميناء طابا علي خليج العقبة مروراً بمناطق الصناعات الثقيلة في وسط سيناء وبيخدم المناطق اللوجستية اللي بيتم إنشاؤها بشبه جزيرة سيناء في الطور ورفح والعوجة والحسنة والنقب وطابا ورأس سدر وبئر العبد .
ثالث ممر معانا هو ممر القاهرة الإسكندرية اللوجيستي وده بيبرط محطة سكك حديد قطارات صعيد مصر بمنطقة بشتيل مروراً بميناء السادات الجاف وميناء 6 أكتوبر الجاف وبيربطهم شبكة السكك الحديدية علي خط بشتيل الاتحاد ايتاي البارود القباري من خلال وصلتي كفر داود السادات بطول 36 كم  والمناشي 6 اكتوبر بطول 68 كم  لحد ميناء الإسكندرية الكبير.
رابع ممر هو ممر طنطا المنصورة دمياط اللوجيستي وده بيربطالمنطقة اللوجستية بطنطا في قلب الدلتا واللي بتخدم مناطق الإنتاج الزراعي في وسط الدلتا والمناطق الصناعية في قويسنا وطنطا وكفر الزيات والمحلة والمنصورة وهيربطهم ميناء دمياط بخط سكة حديد طنطا / المنصورة / دمياط ) مروراً بالميناء الجاف بمدينة دمياط الجديدة.
خامس ممر هو ممر جرجوب – السلوم اللوجيستي اللي بيبدأ من ميناء جرجوب البحري على البحر المتوسط وبيوصل لميناء السلوم البري اللى بيعتبر أكبر ميناء بري في مصر واللى من خلاله هيتم زيادة حركة التبادل التجاري بين مصر وليبيا مروراً بالمنطقة اللوجستية شرق السلوم وهيربطهم خط سكة حديد جرجوب / السلوم بطول 223 كم.
سادس ممر  هو ممر القاهرة – اسوان – ابو سمبل اللوجيستي اللي بيشمل الخط الثاني من شبكة القطار الكهربائي السريع وطريق الصعيد الصحراوي الغربي مروراً بالموانئ البرية الجافة والمناطق اللوجستية ( الفيوم الجديدة – كوم أبو راضي – سوهاج الجديدة – أبو سمبل ) ومناطق الاستصلاح الزراعي بتوشكى وشرق العوينات ومنطقة أبو سمبل السياحية .