موعد صرف المعاشات بالزيادة الجديدة - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

كتير من أصحاب المعاشات واللي وصل عددهم ل 11 ألف مستحق في مصر بيفرحوا مع تلميح الحكومة بأي زيادة قريبة في المعاشات وبيفضلوا منتظرين ميعاد الزيادة دي بفارغ الصبر وده طبعا عشان يخففوا الحمل من عليهم شوية في ظل ارتفاع الأسعار والتصخم اللي كل شوية يزيد وكمان مسؤولياتهم اللي بتكتر وتكبر مع الوقت.. عشان كده هنقولك في الفيديو ده كل ما يخص زيادة المعاشات فالسنة الجديدة 2025 ومين هي الفئات المستحقة ليها وكمان موعد صرف المعاشات بالزيادة.. فلو حضرتك مهتم تابع التقرير ده للآخر 
 

زي ما قولنا ملايين المصريين بيبحثوا دلوقتي على الإنترنت عن زيادة المعاشات 2025 وخصوصا الموظفين اللي هتنتهي مدة خدمتهم وهببلغوا سن المعاش في 1 من شهر يناير الجاي، لأ في قرار برفع الحدين الأدنى والأقصى للمعاشات، زي ما أعلنت الهيئة القومية للتأمينات الاجتماعية

طب امتى هيتصرف معاش يناير 2025، وقيمة الزيادة الجديدة هتبقى كام؟

بص يا سيدي.. الهيئة القومية للتأمين الاجتماعي أعلنت في بداية ديسمبر الحالي عن رفع الحدين الأدنى والأقصى لأصحاب المعاشات، عشان يتم صرفها في 1 يناير المقبل

وهيستفد من الزيادة دي الموظفين اللي هتنتهي مدة خدمتهم وهيبلغوة سن المعاش في 1 من شهر يناير الجاي ولكن هتكون الزيادة الرسمية لأصحاب المعاشات التانيين في شهر يوليو الجاي يعني في شهر 7 وده وفقا للقانون ما لم يصدر قرار بتبكير زيادة المعاشات زي ما حدث في مارس اللي فات

اللواء جمال عوض رئيس مجلس إدارة الهيئة القومية للتأمين الاجتماعي، كان أعلن عن رفع الحد الأدنى لأجر الاشتراك التأميني، عشان يصبح 2300 جنيه بدل من 2000 جنيه كمان تم رفع الحد الأقصى لأجر الاشتراك التأميني عشان يكون 14500 جنيه بدل من 12600 جنيه وده هيحصل اعتبارًا من 1 يناير الجاي يعني كمان أيام

عوض أكد كمان أنه هيترتب على الكلام ده رفع الحد الأدنى للمعاش لمن تنتهي خدمته اعتبارا من 1/1 /2025 عشان يصبح 1495 جنيه بدل من 1300 جنيه ويبلغ الحد الأقصى للمعاش 11600 جنيه بدلاً من 10080 جنيه، بزيادة 800 جنيه

و وفقا للحكومة فقرار رفع الحدين الأدنى والأقصى لأجر الاشتراك التأميني بيجي وفقاً لأحكام قانون التأمينات الاجتماعية والمعاشات الصادر بالقانون رقم 148 لسنة 2019، وبيتضمن آلية سنوية لزيادة الحدين دول، وطبعا كل ده بيج في إطار تنفيذ محاور إصلاح نظام التأمينات الاجتماعي بهدف تحسين قيم المعاشات المستحقة للمؤمن عليهم عند انتهاء خدمتهم واستحقاق المعاش.

وبالنسبة للزيادة الثانية اللي هيتمتع بها كل أصحاب المعاشات فوفقا ببمادة 35 من قانون المعاشات واللي بتتكلم عن موعد الزيادة السنوية، فقالت:  إن «تزاد المعاشات المستحقة في 30 يونيو من كل عام اعتباراً من أول يوليو بنسبة معدل التضخم بحد أقصى لنسبة الزيادة (15%)، ولا تزيد قيمة الزيادة في المعاش على نسبة الزيادة منسوبة إلى الحد الأقصى لأجر الاشتراك الشهري في 30 يونيو من كل عام، على أن يتحمل صندوق التأمين الاجتماعي نسبة الزيادة عن جزء المعاش الذى يلتزم به، وتتحمل الخزانة العامة بباقي قيمة الزيادة، وتعتبر الزيادة جزءا من المعاش عند حساب الزيادة التالية»، والكلام ده معناه إن الزيادة المستحقة هتكون في شهر يوليو من كل سنة.