الصناعة راجعة من جديد ومش هنعتمد على الاستيراد.. شوف الحكومة ناوية تعمل إيه؟ - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

 
الصناعة واحد من الملفات اللي كانت مش وأخذه حقها في عهد الحكومات اللي فاتت وحاليا الدولة حاجة جهود كبيرة جدا لتطويرها وطبعا الهدف منها هو يد الاحتياج المحلي والتصدير للخارج... ياتري الحكومة بتعمل اية في الملف ده.. وآية أهداف الحكومة من تطوير قطاع الصناعة 
 
مصر في السنين اللي فاتت كان عندها مشاكل كثيرة جدا في قطاع الصناعة، وللأمانة لي عدد كبير من المصانع اللي كانت موجودة في مصر للاسف قفلت شغلها واللي لسه ما زال شغال للأسف شغله قل جدا ويكاد يكون من موجودة، وده للاسف خلي الفاتورة الاستيرادية لمصر من الخارج تضاعفت مرات المرات وده كان واحد من أهم الحاجات اللي عملت عننا أزمة دولارية في مصر خلال الفترة اللي فاتت خصوصا أن الحكومة كانت مطالبة بتوفير الدولار للمستوردين علشان يوفروا الحاجات اللي السوق المصري بيحتاجها من الخارج.
الأزمة اللي كانت في مصر خلال السنين اللي فاتت واللي كان بطلها هو قطاع الصناعة، الحكومة بدأت تحط أيدها عليها وفعلا في الفترة الرئاسية الحالية للرئيس عبدالفتاح السيسي الحكومة بدأت تبص علي قطاع الصناعة بنظره مختلفة والحكومة شافية أن قطاع الصناعة هيكةن الجندي المجهول في معركة توفير الدولار، خصوصا أن الصناعة هتكون باب الحكومة لتوفير الحاجات اللي السوق المصري بيحتاجها والحكومة بتكون ملزمة لتوفير الدولار للمستوردين علشان يشتروها من الخارج، وكمان قطاع الصناعة هيكون باب للحكومة لزيادة التصدير للخارج وبالتالي هتكون مصدر من مصادر توفير الدولار لمصر وخصوصا التصدير لدول أفريقيا واللي طبعا بتعد سوق واعد للتجارة خصوصا أن أغلب دول قارة أفريقيا بعيدة جدا عن الصناعة بالتالي بتستورد كل احتياجاتها من الخارج.
طيب اية اللي بتعمله الحكومة في ملف الصناعة ؟.
الدكتور مصطفى مدبولي، رئيس مجلس الوزراء، عمل اجتماع النهاردة من الحكومة لاستعراض فرص التوسع في المناطق الصناعية، وأكد رئيس الوزراء أن ملف الصناعة له أولوية قصوى حالياً، وزيادة الإنتاج والتصدير أهم هدف حاليا  على أجندة الأولويات للحكومة المصرية وأكد رئيس الوزراء علي أهمية التوسع في المناطق الصناعية الموجودة لتحقيق مستهدفات الدولة.
وعلشان الحكومة تنظم الإجراءات وتحفز دخول الاستثماران الأجنبية المباشرة لمصر، أعلنت عن تخصيص الهيئة العامة للتنمية الصناعية كونها هيا الجهة الوحيدة اللي تتعامل مع المستثمر، والهدف من الفرار ده هو تسريع الإجراءات وتيسرها علي المستثمرين وده بدل اللي كان بيحصل في الفترات اللي كانت قبل كده واللي كان ملف الصناعيدة له تشابكات مع كل الوزارات والهيئات وكان اي مستثمر بيحتاج يخص أوراقه من كل الجهات والهيئات قبل ما يبدأ مشروعه

الفريق مهندس/ كامل الوزير، نائب رئيس الوزراء للتنمية الصناعية، وزير الصناعة والنقل، قال إن خطة الدولة للنهوض بالصناعة المصرية أهم ملف فيها حاليا هو إنشاء مصانع جديدة لتوفير جزء من احتياجات السوق المحلية وتعميق الصناعة بتوفير مستلزمات الإنتاج المستوردة محلياً، وبجودة عالية وبأسعار منافسة.

نائب رئيس مجلس الوزراء للتنمية الصناعية قال كمان أن الحكومة حاليا بتستهدف التوسع في المجمع الصناعي "مرغم 3"، والتوسعات في المنطقة الصناعية بجمصة بمحافظة الدقهلية، والمنطقة الصناعية بقويسنا بمحافظة المنوفية، والمنطقة الصناعية بالعاشر بنطاق محافظة الشرقية، والمنطقة الصناعية بمدينة السادات بنطاق محافظة المنوفية.