البنك المركزي بيغير حياة المصريين.. خدمات الشمول المالي فى كل مكان ودعم كبير للتحول الرقمي - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

إزاي البنك المركزي المصري بيغير شكل الاقتصاد المصري؟ وإزاي ممكن يكون عندك حساب بنكي أو محفظة إلكترونية وانت مش لازم تروح للبنك؟ هل سمعت عن التحول الرقمي في مصر؟ وإزاي البنك المركزي بيعمل كل ده عشان يسهل حياتك المالية؟

من 2016 لحد 2024، البنك المركزي المصري والقطاع المصرفي حققوا إنجاز ضخم في زيادة الشمول المالي في مصر بنسبة 181%..  يعني ببساطة حوالي 48.1 مليون مصري بقوا بيمتلكوا حسابات مالية عبر البنوك أو البريد المصري أو محافظ الهاتف المحمول.. أو حتى بطاقات الدفع المسبق.. والرقم الكبير ده بيأكد إن 71.5% من المواطنين اللي ليهم حق التعامل مع البنوك بقى عندهم القدرة على الاستفادة من الخدمات المصرفية والمالية

لكن، إزاي حصل التحول ده؟
السر في شغل متواصل من البنك المركزي اللي عمل على تهيئة بيئة تشريعية وتنظيمية تدعم الابتكار والتحول الرقمي في مصر ومن خلال مبادرات متعددة،البنك المركزي بيعمل على دمج الجميع في النظام المالي سواء كانوا في المدن الكبيرة أو القرى النائية

واحدة من أهم المبادرات دي كانت فعاليات الشمول المالي اللي بدأها البنك المركزي المصري من 2017 واللي كانت بتسمح للبنوك إنها تروج لخدماتها خارج الفروع وتقدم حسابات بنكية بدون مصاريف أو حد أدنى وكل ده عشان يخلي التعاملات المالية أسهل وأسرع للمواطنين في كل مكان

إزاي ده بيفيدك شخصيًا؟
دلوقتي مع البنك المركزي ممكن تفتح حساب بنكي وأنت في مكانك تستخدم محفظة إلكترونية على موبايلك وتتعامل مع المال بشكل رقمي وآمن ده مش بس بيسهل حياتك المالية ده كمان بيدعم التحول الرقمي اللي بيحسن من كفاءة الاقتصاد المصري ككل

والبنك المركزي كمان بيهتم بمبادرات لدعم فئات مختلفة زي النساء وذوي الهمم من خلال مشروعات مهمة زي كده مشروع مجموعات الادخار والإقراض بالتعاون مع المجلس القومي للمرأة اللي بيساعد المرأة على التعامل مع التكنولوجيا المالية بشكل أفضل، ويشجعها على الادخار والاقتراض بشكل آمن

ومن خلال مشروعات كبيرة زي المبادرة الرئاسية "حياة كريمة" البنك المركزي بيساهم في تحسين حياة المواطنين في القرى والمناطق الأكثر احتياجًا من خلال توفير خدمات مالية رقمية ومصرفية في المناطق اللي كانت بعيدة عن الخدمات دي قبل كده

وخد بالك فيه حاجة مهمة جدا لازم تعرفها .. حجم التمويل الموجه للمشروعات الصغيرة والمتوسطة ارتفع بنسبة 388% من 2015 لحد 2024.. وده بيوضح اهتمام البنك المركزي بدعم الشباب والنساء وأصحاب المشروعات الصغيرة وبيخلق فرص عمل ويشجع الاستثمار المحلي

وبفضل المبادرات اللي أطلقها البنك المركزي محفظة التمويل المتناهي الصغر شهدت نمو ضخم بنسبة 1350%.. وكل  ده معناه إن كتير من أصحاب المشروعات الصغيرة جدا سواء كانوا شباب أو سيدات بيقدروا يحصلوا على التمويل المناسب بسهولة ويبدأوا مشروعاتهم ويطوروا من دخلهم بشكل مستدام

في النهاية البنك المركزي المصري مش بس بيعمل على تسهيل الحياة المالية لكل الناس .. لكن كمان بيعمل على دعم الاقتصاد المصري بالكامل من خلال الشمول المالي والتحول الرقمي