كنز دولاري جديد في قناة السويس.. شوف اللى بيحصل فى الكواليس - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر في الوقت الحالي بقت واجهة رئيسية لكبري المشروعات، وخصوصا في المنطقة الاقتصادية لقناة السويس، والمرة دي المشروع مختلف تماما وهيكون مصدر رئيسي لمصر للدولار من الصناعات الغذائية والمنسوجات.. ياتري اية تفاصيل المشروع ده واية الميزة اللي هيضفها لمصر.

شغل كتيرة قامت بيه الحكومة علي فترات الفترات اللي فاتت، من تعديل التشريعات ونسف الحاجات اللي كانت بتعطل دخول المشروعات الكبيرة في مصر، ده غير الحوافز اللي اقرتها الحكومة لدخول الاستثمارات الأجنبية لمصر، وده اللي عمل رواج اقتصادي كبير في كل المحافظات والمدن المصرية واللي كل يوم الحكومة بتوقع عقد جديد لدخول شركات استثمارية جديدة لبناء مشروعات وشركات هتنتج منتجات هتخدم الاستهلاك المحلي وكمان هنصدر منها للخارج.
رئيس الهيئة العامة للمنطقة الاقتصادية لقناة السويس وقع وليد جمال الدين عقدين لمشروعين جديدين، بمنطقة القنطرة غرب بإجمالي استثمارات هتوصل لـ 38 مليون دولار في مجالات الصناعات الغذائية وصناعة المنسوجات، وذلك على مساحة 137 ألف متر مربع، وهيوفلر 1450 فرصة عمل. 
العقد الأول اللي وقعته الهيئة الاقتصادية لقناة السويس كان مع مشروع شركة ساراى التركية لصناعة الأغذي، وهو المشروع الأول من نوعه بمنطقة القنطرة غرب الصناعية، وهيكون علي مساحة 45 ألف متر مربع، بإجمالي استثمارات 8 مليون دولار وهيوفر 450 فرصة عمل،وهتوصل نسبة التصدير من انتاجه لـ 90% من إجمالي الإنتاج.
العقد الثاني اللي وقعته الهيئة الاقتصادية لقناة السويس كان مع شركة كيليدا الصينية لصناعة الأقمشة والمنسوجات المنزلية، واللي عندها خبرة تتخطى 30 سنة في مجال الأقمشة والمنسوجات المنزلية، وهتوصل اجمالي الاستثمارات في المشروع ل30 مليون دولار وهيكون علي مساحة 92 ألف متر مربع، وهيوفر 1000 فرصة مباشرة، وهيكون 90% من انتاجه مخصص للتصدير، والشركة بتستهدف تخصيص انتاجه للتصدير إلى الأسواق الأوروبية والأمريكية.
طيب اية المشروعات اللي جاية في المنطقة الاقتصادية لقناة السويس؟. 
وليد جمال الدين رئيس الهيئة الاقتصادية لقناة السويس أتكلم وقال أنه تم توقيع عقود 8 مشروعات من المرحلة الأولى بمنطقة القنطرة غرب الصناعية، بإجمالي استثمارات وصلت لـ309 مليون دولار، وهتكون المشروعات دي علي مساحة 751 ألف متر مربع، والمشروعات دي هتكون علي 14200 فرصة عمل، وده إنجاز تنموي كبير للهيئة الاقتصادية لقناة السويس علي كل المستويات بيتم من خلاله التأسيس لإنشاء مركز صناعي عالمي قادر على جذب المزيد من الاستثمارات، وتوفير فرص عمل واعدة، وكسب ثقة المستثمرين في فترة وجيزة.

وليد جمال الدين قال كمان أن منطقة القنطرة غرب الصناعية حاليا بتعد نقطة انطلاق مثالية للمستثمرين، بسبب موقعها الاستراتيجي وقربها من الموانئ البحرية، وده بيدعم نفاذ المنتجات الصناعية ومنتجات المشروعات لكل اسواق العالم سواء كانت الدولية أو الإقليمية، وده بيسهل على المستثمرين أنهم يشتغلوا بقدرة كبيرة وأكد علي التزام الهيئة بتقديم كل الدعم والتسهيلات اللازمة للمستثمرين بما فيها توفير الأراضي والخدمات اللوجستية والتراخيص اللازمة، لتقديم تجربة استثمارية متميزة .