عملت ضجة كبيرة.. إيه هي مميزات الشريحة الجديدة eSIM .. وموعد طرحها؟ - غاية التعليمية

غاية التعليمية يكتُب..  
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

كتير من المصريين اتفاجئوا خلال الأيام الأخيرة، بإعلان شركة المصرية للاتصالات We، بنيتها لإطلاق شريحة تليفونات جديدة اسمها eSIM.

والشريحة دي، هتسمح لحاملها إضافة أو حذف أي شرايح عنده أز باسمه بدون تقييد بسحب الشريحة القديمة ووضع واحدة تانية مكانها.

وكمان بتيح للعميل شراء 10 خطوط صوتية كحد أقصى من خلال بطاقة الرقم القومي، يعني أي عميل مصري بعد طرح الشريحة eSIM الجديدة، هيحق له استخدام رقمه القومي لشراء 10 خطوط صوتية كحد أقصى، و5 خطوط بيانات من شركة محمول.

ونقدر نقول، إن في حالة حال شراء عدد من الشرائح بأرقام مختلفة، فمتلح له إضافتها في الشريحة esim الجديدة، واللي هيتم طرحها خلال الأيام الجاية.

كمان الشريحة المدمجة الجديدة eSIM، مش هتكون فعالة على أغلب الهواتف المنتشرة في السوق المصرية، ولكن لتليفونات معينة.

وكمان، مش هتشتغل في الهواتف المزودة بمكانين لوضع شريحتين للاتصال، حتى أحدث الهواتف الموجودة في السوق حاليا مش هتشتغل عليها، فلازم يكون في مواصفات معينة في التليفون عشان تشتغل عليه.

أما عن ميعاد طرحها، فقالت الشركة المصرية للاتصالات، إنها بتستعد لإطلاق خدمة ال eSIM، بعد موافقة الجهاز القومي لتنظيم الاتصالات على إطلاق الخدمة رسميًا في مصر، وده بيجي ضمن خطة السعي للتوسع في تقديم خدمات جديدة متطورة بتلبي احتياجات عملائها وتطلعاتهم بما يتماشى مع خطط الدولة لتحقيق التنمية المستدامة والتحول الرقمي.

وطريقة تشغيل الشريحة الجديدة eSIM، هتكون من خلال الاتصال بخدمة عملاء المصرية للاتصالات للتحقق من توفر الخدمة على هاتفه، وبعدين التوجه إلى أقرب فرع من فروع WE لشراء خدمة الشريحة المدمجة eSIM، بعد كده هتحصل على رمز QR Code الخاص بالخدمة، بعدين هتنزل ملفات الخط وتعريفات الشبكة بشرط الاتصال بشبكة WiFi.

وماتنساش لو جبت الشريحة، تتصل بمركز خدمة عملاء المصرية للاتصالات 111 لتأكيد البيانات وتفعيل الخدمة، لأن الشريحة هتكون متاحة لجميع عملاء الأفراد سواء في حالة استبدالها أو في حالة شراء خط جديد.

وبالنسبة لعملاء الشركات، فهي متاحة لهم في حالة الاستبدال فقط، كمان هتكون متاحة على الأجهزة الذكية اللي بتدعم خدمة الشريحة المدمجة، لأنها بديل مثالي للشريحة التقليدية

وكمان بتوفر للعميل التنقل بين شبكات المحمول المختلفة دون الحاجة لاستخدام أكتر من شريحة، لأنها بتخزن المعلومات لكل خط مع سهولة التنقل بينها، وبتجنب العميل تعرضها للتلف أو الفقد.

وقريب جدا هيتم طرح الشريحة الجديدة في الأسواق وتحديدا في نهاية السنة دي 2024، ولو أنت من محبي التليفونات أو أي موضة جديدة في عالم التكنولوجيا، فجهز نفسك وتليفونك كويس.