الجنيه المصري يفاجئ الجميع.. عودة قوية للعملة المصرية وتدفقات ضخمة تنهي أزمة الدولار - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

هو إيه اللي بيحصل للجنيه المصري؟ وإزاي قيمته بتتحسن في وقت العالم كله بيعاني فيه من أزمات مالية؟ وهل دي مجرد حركة مؤقتة ولا خطة مدروسة؟ ومين اللي وراء التدفقات النقدية الكبيرة اللي بتدخل البلد؟ والسياحة اللي بقت في أزهى حالاتها.. إيه السر؟ والاستثمار الأجنبي المباشر اللي معدلاته ارتفعت بشكل مدهش.. ده معناه إيه؟

في الشهور اللي فاتت التدفقات النقدية الدولارية  بقت زي المطر.. بس مش مطر عشوائي.. لا دا مطر جاي نتيجة تخطيط اقتصادي مدروس.. والبنك المركزي شغال بذكاء على تحسين سياسات الصرف وكل ما تحس الأمور بتمشي في الاتجاه الصح تلاقي الناس بتبدأ تثق أكتر سواء المستثمر المحلي أو الأجنبي.

طب إيه الجديد؟
مصر بقت مقصد كبير للاستثمار الأجنبي المباشر.. الأرقام بتقول إننا شوفنا زيادة ملحوظة في الاستثمارات اللي بتدخل البلد سواء في قطاعات الطاقة المتجددة، البنية التحتية، أو حتى التكنولوجيا.. تخيل معايا لما شركات عالمية تقرر إنها مش بس تيجي تستثمر هنا.. لا كمان تبني مصانع ومراكز تشغيل. ده معناه فرص عمل أكتر وفلوس أكتر بتدخل الاقتصاد

وهنا فيه سؤال مهم.. هو إيه اللي بيخلي الاقتصاد يتحرك لقدام؟
الفلوس اللي بتدخل البلد.. والمفاجأة إن التدفقات النقدية على مصر في الشهور الأخيرة كسرت أرقام كتير.. استثمارات من شركات عالمية.. وسياحة جاية بكل طاقتها ده حتى المصريين اللي برة بيدعموا الجنيه بتحويلاتهم.. وده مش مجرد كلام ده واقع بيتبني حوالينا يوم بعد يوم.. والمستثمرين الأجانب راجعين وبقوة، مش استثمار على خفيف، لأ.. مشاريع طويلة المدى في كل القطاعات.
وده معناه ثقة. ثقة في الاقتصاد، في استقراره، وفي مستقبله.

طب والسياحة؟
الساحة بتشهد تطوير فى كل حاجة .. من أول الفنادق الجديدة لحد الاهتمام بالتفاصيل اللي بتخلي السياح يرجعوا ويحكوا عن مصر بشكل مختلف.. كل التقارير بتقول إن السياحة حققت أرقام تاريخية وأعداد الزوار وصلت لمستويات ما اتحققتش من سنين.
طب هل ده حصل فجأة؟

لأ طبعا .. ده نتيجة شغل استمر شهور وسنين وشاركت فيه الدولة بكل قطاعاتها المختلفة والهدف كان تعظيم عوايد السياحة وضخ مزيد من العملة الصعبة في السوق

كمان التحويلات من المصريين بالخارج زادت بشكل ملحوظ .. والأرقام بتقول إن التحويلات دي وصلت لرقم قياسي وده معناه إن المصريين اللي بره شايفين قيمة بلدهم واستقرارها

طب إيه اللي يخلي بلد زي مصر تستقطب كل ده في وقت العالم كله بيعدي بأزمات؟ وإزاي بقت مركز للاستثمار والسياحة والتجارة في نفس الوقت؟ وليه الشركات العالمية بتختار إنها تستثمر هنا؟

الإجابة في كلمتين.. استراتيجية ورؤية واضحة.
ولما يكون عندك خطة مدروسة بتتحرك خطوة بخطوة النتيجة بتبان قدام الكل.. والسؤال الحقيقي مش إزاي وصلنا هنا..
لسؤال هو: هنعرف نحافظ عليه؟ هنعرف نبني عليه ونوصل لأبعد من كده؟

الإجابة مش في الأرقام اللي بتتقال..الإجابة في اللي كل واحد فينا بيعمله عشان يكمل النجاح ده

فكر فيها.. وإنت بتبص على الوضع اسأل نفسك: إنت جزء من الحركة دي؟ ولا واقف على جنب بتتفرج؟

اللي بيحصل النهارده مش عادي.. ومش لحظة وبتعدي..ده تغيير.. حقيقي. ملموس لازم كل واحد يشارك فيه ويدعمه عشان نعدي الفترة الصعبة دي بأقل خساير ممكنة