مشروعات قطرية هتقلب الأوضاع في الساحل الشمالي - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

إيه السر اللي مخلي الساحل الشمالي في مصر بقى وجهة للاستثمارات العربية؟ وإيه اللي بيخلي قطر تفكر دلوقتي إنها تضخ استثمارات بمليارات الدولارات هناك؟ هل ده مجرد صدفة ولا في خطة أكبر وأعمق بتتبلور؟ طب إيه اللي ممكن يحصل لما يتحد العملاق القطري مع العملاق المصري في مجالات زي الموانئ والمناطق اللوجستية؟ هل ده هيغير خريطة الاستثمار في المنطقة؟

وفقا لتسريبات حصلت عليها بانكير  مصر وقطر في مباحثات قوية لتطوير التعاون الاستثماري وخصوصًا في مشروعات ضخمة على الساحل الشمالي.. وده مش غريب لما تعرف إن الساحل الشمالي بقى واحد من أهم مراكز الجذب الاستثماري في الشرق الأوسط

رئيس الوزراء  الدكتور مصطفى مدبولي أعلن مؤخرًا إن فيه طلب مباشر من الجانب القطري للاستثمار في قطاعات السياحة والضيافة في المنطقة دي..و الحكومة المصرية بدورها رحبت جدًا بالرغبة دي وأكدت استعدادها لدعم التعاون في أسرع وقت

لكن الموضوع مش سياحة وبس..  فيه مفاوضات كبيرة حوالين تطوير الموانئ المصرية وإنشاء مناطق لوجستية متطورة..و الجانب القطري أبدى اهتمام واضح بإنه يستثمر في المجالات دي كجزء من خطته للتوسع في البنية التحتية اللوجستية العالمية

ومتنساش كمان إن مصر بقت بتقدم فرص ضخمة في العاصمة الإدارية الجديدة والقاهرة الكبرى سواء في القطاع العقاري أو السياحي.. و دي أماكن بتمثل مستقبل الاستثمار في مصر وقطر مش هتسيب الفرص دي تمر من غير ما تكون جزء منها

طب ليه دلوقتي؟ بمعنى ليه قطر شايفة إن الوقت دلوقتي مناسب للاستثمار؟
الإجابة ممكن تكون في التطورات الاقتصادية اللي حصلت في مصر مؤخرًا.. تحرير سعر الصرف فتح الباب لاستثمارات أجنبية جديدة..  وده خلا شركات عالمية وعربية تاخد خطوات جريئة للاستحواذ على مشروعات ضخمة زي مشروع "رأس الحكمة" اللي الإمارات دخلت فيه باستثمارات 35 مليار دولار.

قطر مش الوحيدة اللي شايفة الفرص دي.. السعودية مثلًا أعلنت عن استثمارات بقيمة 5 مليار دولار في مصر وبتخطط لمشروعات بين 10 و15 مليار دولار في المستقبل القريب. و المنافسة بين الدول الخليجية على الاستثمار في مصر دليل قوي على أهمية السوق المصري كمحور اقتصادي في المنطقة.

فالسؤال الحقيقي هو: إيه اللي هيحصل لما الاستثمارات القطرية تدخل بقوة في القطاعات الحيوية دي؟ هل هنشوف طفرة جديدة في مشروعات الموانئ والمناطق اللوجستية؟ هل التعاون المصري القطري هيغير معادلات اللعبة الاقتصادية في المنطقة كلها؟

خلينا نشوف ايه اللى هيحصل اليام الجاية وايه التاثير اللى هتعملوا الاستثمرات القطرية والخليجية فى السوق