مصدر دولاري مهم.. ليه الدولة طرحت مبادرة تصدير العقارات - غاية التعليمية

غاية التعليمية يكتُب.. زيادة الاستثمارات الأجنبية في السوق المصري واحد من اهم اهداف الحكومة، الحكومة بدأت تحقق ده من خطة تصدير العقارات.. ياتري الحكومة هتنفذ النقطة دي أزاي.. ومصر بتستهدف توصل لكام من تصدير العقارات.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

زيارة الاستثمارات الأجنبية في السوق المصري واحد من اهم الأهداف اللي الحكومة شغالة عليها في الوقت الحالي في كل القطاعات، واحد من اهم القطاعات اللي عليها دور كبير في جذب الاستثمارات الخارجية للسوق المصري هو قطاع الإسكان واللي خلال الفترة اللي فاتت اطلق اكثر من مبادرة لزيادة الاستثمارات الأجنبية في السوق العقاري المصري وأهم مبادرة تصدير العقارات.

طيب اية حكاية تصدير العقارات دي واية هدف الدولة منها ؟.

تصدير العقارات واحدة من الأفكار الجديدة اللي الحكومة بدأت تطبقها في السوق المصري ودي بتستهدف تسويق المشروعات العقارية للعملاء المهتمين بشراء العقارات في الخارج، وبيكون الدفع بالدولار، وده اتجاه عالمي اغلب دول العالم بدأ يطبقه، ووصل حجم صادرات العقارات في العالم لأكثر من 250 مليار دولار سنويا، ونسبة مصر منه للاسف محدودة للغاية وبتوصل لـ 25 ب%، والسبب في ضعف النسبة دي هو ضعف خطة تسويقق العقارات المصرية بالشكل المطلوب.

الهدف الرئيسي للدولة المصرية من تدشين مبادرة تصدير العقارات هو دعم تدفق العملات الأجنبية لمصر وتحسين الوضع الاقتصادي بصورة أكبر، وعلشان الحكومة توصل للهدف ده قدمت حوافز وتسهيلات لجذب الراغبين في شراء العقارات في الخارج، وده اسلوب كل دول العالم بتتبعه في الوقت الحالي لزيادة الاستثمارات الأجنبية في قطاعات العقارات.
طيب هل في شروط محددة الدولة المصرية حطتها لمبادرات تصدير العقارات؟.

ايوة طبعا مبادرة تصدير العقارات زيها زي اي مبادرة الدولة بتعلن عنها، والدولة حطت شروط خاصة لمبادرة تصدير العقارات واهم الشروط دي أن تكون قيمة العقار المباع للعميل الأجنبي بحد أدنى 300 ألف دولار في حالة لو العميل عايز يشتري العقار، ده غير طبعا أنه هيدفع الرسوم الخاصة بالإقامة أو الحصول على الجنسية ودي بتكون علي حسب الشروط والقوانين اللي مصر حطاها، والهدف منها هو سد الفجوة بين العرض والطلب في سوق العقارات وتحقيق الاكتفاء الذاتي من العملة الصعبة.