تطور مهم من البنك المركزي.. انفراجة جديدة في أزمة شح الدولار (فيديو) - غاية التعليمية

غاية التعليمية يكتُب.. من ساعات البنك المركزي أعلن تحقيق صافي الأصول الأجنبية للبنك المركزي فائض بقيمة 12 مليار دولار  بنهاية فبراير 2025 مقابل 11 مليار دولار وشوية  بنهاية يناير .. فيا ترى ايه معنى الكلام ده ؟ وايه تأثيره على أزمة نقص الدولار ؟ وايه هي الاصول الأجنبية دي؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

خلينا فى الأول نقول لحضراتكم يعني ايه صافي الأصول الأجنبية ؟ ببساطة .. الصول دي هي الفرق بين الفلوس الأجنبية اللي البنك المركزي بيملكها –يعني الدولارات والعملات التانية– وبين الالتزامات اللي لازم يدفعها بره مصر.. يعني لو الأصول أكتر من الديون.. تبقى الحكاية كويسة وفي فايض، ولو العكس يبقى في عجز.. والحمد لله، النهاردة بنتكلم عن فايض ومش أي فايض، فايض أكتر من  12 مليار دولار يعني حوالي 613 مليار جنيه بنهاية فبراير 2025.

البنك المركزي كان أعلن في مايو 2024 لأول مرة من سنتين إن صافي الأصول الأجنبية تحول من عجز لفايض.. يعني من ساعة مارس 2022 كنا في الحضيض.. عجز وصل 36 مليار جنيه في أبريل 2024.. وبعدين بقدرة قادر بقى فايض 458 مليار جنيه في مايو. والنهاردة في فبراير 2025، الفائض ده كبر وبقى 12 مليار دولار.. دي قفزة مش بسيطة وبتقول لنا إن البنك المركزي بيحقق نجاحات أكتر وبقى عنده قوة مالية يدافع بيها عن الجنيه.

يس يا ترى  ده معناه إيه بالنسبة للاقتصاد؟

صافي الأصول الأجنبية زي درع الحماية بتاع البنك المركزي.. لما يكون عنده فايض كبير زي ده يبقى عنده سيولة دولارية يقدر يستخدمها لو السوق احتاج تدخل.. يعني لو الدولار بدأ يعلى في السوق السودا أو البنوك مش لاقية عملة أجنبية كفاية.. البنك المركزي يقدر ينزل بفلوسه ويظبط الميزان.. وده بيدي استقرار للجنيه وبيقلل الضغط على أسعاره

طب هل الفايض ده هيحل أزمة شح الدولار؟

خليني نتكلم بواقعية.. الارتفاع فى صافي الاصول الأجنبية مش هيحل أزمة الدولار  بالسرعة اللي الناس متخيلاها.. صحيح إن 12 مليار دولار رقم كبير..  لكن أزمة الدولار مش مجرد مشكلة أرقام.. احنا عندنا ديون خارجية ضخمة.. البنك المركزي نفسه قال إن الديون المستحقة في 2025 هتكون حوالي 22.4 مليار دولار.. يعني الفايض ده جزء منه هيروح لسداد ديون مش كله هيتحط في السوق.

مصر بتعتمد على مصادر زي تحويلات المصريين في الخارج، والسياحة، وصفقات زي رأس الحكمة اللي فعلاً ساعدت الأصول الأجنبية ترتفع.. لكن لسه في تحديات كبيرة.. زي تراجع إيرادات قناة السويس بسبب أزمة البحر الأحمر، واللي خسرتنا حوالي 6 مليار دولار في 8 شهور. يعني الفايض ده خطوة كويسة لكن مش كفاية لوحده يقضي على شح الدولار.

الايجابي فى الموضوع ان الفايض ده بيدي رسالة قوية للمستثمرين الأجانب.. لما يشوفوا إن البنك المركزي عنده احتياطي دولاري محترم بيطمنوا ويبدأوا يفكروا يستثمروا في مصر.. وده ممكن يجيب فلوس جديدة تساعد الاقتصاد يتنفس.. كمان لو استمر الفايض يزيد البنك المركزي هيقدر يتحكم أكتر في سعر الصرف.. ويخفف من الضغط على الجنيه  قدام الدولار.