أحمد حسن: وافقت على الانضمام لـ"كابيتانو مصر" لرد الجميل - غاية التعليمية

أكد أحمد حسن نجم منتخب مصر السابق، أنه وافق على التواجد فى مشروع كابيتانو مصر بدون تفكير من أجل رد الجميل لبلدنا، لأنها صاحبة الفضل علينا كلاعبين.

وأضاف حسن في المؤتمر الخاص بالإعلان عن الموسم الجديد لـ"كابيتانو مصر": بالتأكيد كل النجاحات التى حقققناها كانت بدعم من بلدنا ولازم نرد الجميل، كمان الولاد الصغيرين دول محتاجين دعمنا وتواجدنا معاهم، سواء كرياضين أو القيادة السياسية.

وأكمل: “دايما بقول للولاد الصغيرين انهم محظوظين، لأن النجوم والقيادة مهتمين بهم وطول الوقت بيبحثوا عن المواهب فى كل محافظات مصر”.

وتابع: هناك دور كبير للدولة فى هذا المشروع الطموح من أجل الوصول للمواهب وابرازها ودورنا نقل خبرتنا للولاد الصغيرين، الموضوع كان صعب فى البداية، لكن ارتبطت بيهم وعرفتهم وطول الوقت كلنا كنا بنحاول نوصلهم خبرات وندعمهم بشكل إيجابي.

وأنهى حسن: أسعد حاجة بالنسبة لنا فى يوم من الايام لما نلاقى حد من الولاد دول محترف فى أوروبا، لأن ده النجاح الأهم بعينه من وجهة نظري.