حقل غاز جديد ينضم لخريطة الاكتشافات ويحطم الأرقام القياسية.. شوف الإنتاجية هتوصل لكام؟ - غاية التعليمية

غاية التعليمية يكتُب.. يا ترى إيه سر حقل الغاز الجديد اللي هينضم لخريطة الاكتشافات وهيحطم الأرقام القياسية، هيكون الحقل ده فين بالظبط، وهل ممكن يقود وزارة البترول لاكتشافات تانية تعظم إنتاجنا من مصادر الطاقة.. 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الأيام الأخيرة، وزارة البترول أعلنت عن وضع حقل الغاز بمنطقة نرجس البحرية على خريطة الإنتاج قريب جدا، وده معناه إن في فلوس بالمليارات هتدخل خزينة الدولة قريب عشان هنحقق كفاية من الغاز وكمان هنصدره بالعملة الأجنبية.

عشان كده، وزير البترول المهندس كريم بدوي، التقي بكلاي نيف رئيس شركة شيفرون العالمية للاستكشاف والإنتاج، في مدينة هيوستن بولاية تكساس الأمريكية، عشان يبحث الشراكة الاستراتيجية لمصر مع كبرى شركات الطاقة العالمية، بمناسبة اكتشاف حقل "نرجس".

ومن هنا، الوزير اتكلم الفرص الاستثمارية الواعدة في قطاع البترول والغاز المصري وأنشطة الشركة في مصر، وآخرها أعمال الاستكشاف بمنطقة امتياز شمال الضبعة البحرية بغرب البحر المتوسط، وأكد كمان على أمية الإسراع بتنفيذ برامج الحفر والاستكشاف في مناطق الامتياز عشان في كنوز كتيرة مدفونة تحت الأرض.

كمان، مهم جدا في الفترة الجاية يتم تنفيذ برامج الحفر والاستكشاف في مناطق الامتياز اللي شغالة فيها شركة شيفرون في البحر المتوسط والبحر الأحمر، عشان ننمي الاكتشاف بمنطقة نرجس البحرية ونحطه على خريطة الإنتاج في أقرب فرصة ممكنة، لأن كل ده هيعزز إنتاج مصر من الغاز الطبيعي وهيدعم خططها لتعزيز الإنتاج المحلي.

برضو، مصر دلوقتي بتتبني أحدث التكنولوجيات للكشف عن أماكن جديدة للبترول والغاز عشان نعزز كفاءة العمليات التشغيلية ونقدر نحقق الاستدامة في قطاع البترول المصري.

ونقدر نقول إن كل الإصلاحات اللي بتعملها وزارة البترول دلوقتي، بتستهدف تنمية حقول غاز شرق المتوسط، وده اتكلل بتوقيع مذكرة تفاهم بين وزارة البترول والثروة المعدنية المصرية وشركة شيفرون لتنمية حقل أفروديت القبرصي، عشان كده الشركة ملتزمة بتوسيع نطاق استثماراتها في مصر والعمل على وضع حقل نرجس على الإنتاج في أقرب فرصة ممكنة، خاصة بعد الإصلاحات المتعددة التي تجريها مصر في قطاع الطاقة.

ومع كل اللي بيحصل ده، فالحكومة المصرية بتسعى حاليا لزيادة إنتاجها من الغاز الطبيعي بحوالي 30% عشان توصل ل 6 مليارات قدم مكعب يوميا بنهاية 2025، مقابل 4.6 مليار قدم مكعب يومياً حالياً، ومع دخول حقول وآبار جديدة لخريطة الإنتاج هنقدر نحقق الهدف ده في الشهور الجاية، عشان نحطم الأرقام القياسية في الاكتشافات في مصادر الطاقة.