بعد قفزات الدهب.. استثمار مضمون وهتدير فلوسك بنفسك - غاية التعليمية

غاية التعليمية يكتُب.. ايه الاستثمار اللي ممكن تهرب بيه من تقلبات السوق في الدهب أو العقارات أو الشهادات.. وازاي هو بيعتبر استثمار مضمون المكسب وكمان هينمي عندك قدراتك التجارية ويخليك ممكن تبقي رجل أعمال كمان.. 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

كلنا شفنا القفزات الكبيرة والقياسية في أسعار الدهب في الفترة الأخيرة وازاي النهاردة وصل لحاجز ال3 آلاف دولار للأوقية عالميا وعاوز تعرف ازاي الرقم دا ضخم جدا كفاية تعرف إن خبراء الدهب في العالم توقعوا وصول سعر الدهب ل3 آلاف دولار في نهايات 2025 أو بدايات 2026 وفيه توقعات استبعدت وصول الدهب للرقم دا لكن دا تتحقق وفي الربع الأول من 2025 ودا بيقول إن الدهب داخل على ايام صعبة وفي نفس الوقت التقلبات السريعة دي ممكن تخوف اي مستثمر أو صاحب مدخرات من القفزات والانهيارات السريعة في سوق الدهب..

كمان الاستثمار في العقار خيار ممتاز لكن محتاج صبر طويل لانه استثمار بيعتمد على الزمن وفي مصر فيه ناس كتير بتحب تحط فلوسها في العقار وتنساها لكن في نفس الوقت عن استثمار مرهق من حيث الإجراءات في البيع والشراء والتسجيل والأوراق والتراخيص ومحتاج مشاوير..

طيب ايه الاستثمار المناسب للأشخاص في للوقت الحالي ؟
الحقيقة الدولة وفرت مناخ مثالي دلوقتي وفتحت الطريق للقطاع الخاص وتشجيع المشروعات الصغيرة والناشئة وكمان البنوك بتدعم المشروعات الخاصة ومتناهية الصغر دلوقتي لخلق جيل جديد من رجال الأعمال الشباب.. ايوا المشروع الشخصي مهما كان صغير في بدايته لكن هو الاستثمار المناسب للشباب ودا لأن فرص نجاح المشروعات دي دلوقتي بقي كبير جدا نتيجة الانتعاش الاقتصادي الكبير في مصر وتيسير اجراءات انشاء المشروعات وتطبيق تسهيلات جديدة خاصة في المشروعات الصناعية.

وميزة الاستثمار الشخصي إنه بيمرنك تكون رجل أعمال تدير فلوسك بنفسك وبينمي فيك القدرات التجارية لأنه همك كله هيكون في ازاي تنجح مشروعك وبعدها تكبره وتوسعه ومن ميزة الاستثمار دا كمان انك بتشوف فلوسك وهي شغالة قدامك وتقدر تعرف أرباحك وتديرها بشكل جيد عشان في النهاية يكون معاك بداية ثروة ودخل معقول وتراكم خبرات يخليك تدخل في مشروعات تانية اكبر وهكذا لغاية ما تلاقي نفسك معاك مشروع كبير والمحل مثلا بقي سلسلة محلات والمصنع الصغير اللي عملته في غرفتين وصالة بقي مصنع ضخم وبيصدر كمان ..

الاستثمارات في مصر كتير جدا دلوقتي ومفيش احسن من العمل الخاص والحر ودا اللي صنع تقدم الدول في الغرب وفتح قدامهم فرص واعدة للمنافسة في السوق المحلية والتصدير للخارج والمنشآت الصغيرة بقت كيانات عملاقة وشركات ضخمة والدولة المصرية ماشية في نفس الخط دلوقتي في تشجيع الصناعات الصغيرة ودعمها وتشجيع الشباب يكونوا أصحاب مشروعات كل يوم بتكبر.