400 ألف شقة جديدة بعد العيد.. ليه الحكومة مهتمة أوي بمشروعات الاسكان.. وحكاية تعليمات الرئيس اللي هتغير حياة الشباب - غاية التعليمية

غاية التعليمية يكتُب.. يا ترى ايه حكاية ال 400 الف شقة الجديدة اللى هيتم طرحهم بعد عيد الفطر؟ و ليه الحكومة مهتمة أوي كده بمشروعات الاسكان؟ وليه السيسي دايما بيقول مش هاخلى حد فى مصر معندوش شقة ؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

من كام يوم الدكتور مصطفى مدبولي، رئيس الوزراء، طلع في اجتماع مهم وقال كلمة الكل كان مستنيها: 'بعد العيد مباشرة، هنطرح 400 ألف وحدة سكنية جديدة'. مش أي طرح يعني..ده أضخم طرح في تاريخ مصر.. شقق لكل المستويات: شباب لسه بيبتدوا حياتهم.. أسر محدودة الدخل.. وحتى متوسطي الدخل اللي بيحلموا بشقة تناسب طموحاتهم.. والأجمد من كده؟ فيه وحدات جاهزة للتسليم فوري يعني هتدفع وتستلم مفتاحك في ساعتها.. وفيه وحدات تانية هتكون جاهزة خلال سنتين على الأكتر.. يعني لو بتحلم بشقة من دلوقتي بعد العيد ممكن تحط رجلك في بيتك الجديد.

وخد بالك الموضوع مش جديد على الحكومة.. لأنهم شغالين على مبادرة 'سكن لكل المصريين' من سنين.. لكن الرقم ده 400 ألف شقة.. بيقولك إن الدولة مش بتهزر.. المشروع ده جزء من خطة كبيرة بتوزع الشقق دي على مدن جديدة زي العاصمة الإدارية ومدن تانية في المحافظات وبمساحات مختلفة عشان تناسب كل الناس.. يعني سواء عايز شقة صغيرة تبدأ بيها أو شقة أكبر لعيلتك  هتلاقي اللي يناسبك.

طب ليه الحكومة مهتمة كده بموضوع الإسكان؟

بص يا سيدي المسألة مش مجرد طوب وسمنت.. الإسكان في مصر حلم كل شاب وكل أسرة.. من زمان والناس بتعاني من أسعار الشقق اللي بقت زي الصاروخ.. وكمان الكثافة السكانية اللي زادت أوي في المدن الكبيرة زي القاهرة والجيزة.. الحكومة عارفة إن لو كل مواطن لقى شقة يعيش فيها براحة ده هيحل مشاكل كتير: هيقلل الزحمة، هيخلي الناس تعيش في بيئة أحسن، وكمان هيدي فرصة للشباب يستقروا ويبنوا حياتهم.

مش بس كده، لأن المشروعات دي بتخلق فرص شغل بالآلاف.. فكر معايا: كل شقة بتتبني، فيه عمال، مهندسين، شركات مواد بناء، كلهم بيشتغلوا وبياكلوا عيش. يعني الإسكان مش بس بيت للناس.. ده كمان عجلة اقتصاد بتلف وتفيد البلد كلها

نيجي بقى للرئيس السيسي. كلنا سمعناه بيقول: 'مش هاسيب حد في مصر معندوش شقة'. الكلام ده مش شعار وخلاص.. ده هدف بيترجم على الأرض.. الرئيس عارف إن السكن مش رفاهية، ده أساس الحياة الكريمة.. ومن يوم ما تولى المسؤولية، وهو بيضغط على مشروعات الإسكان. من بدر والعاشر من رمضان، للعاصمة الإدارية ودهب وسيناء، فيه مدن جديدة بتتبني، وفيه وحدات بتتسلم كل يوم
وفي اجتماع من كام يوم مع رئيس الوزراء ووزير الإسكان، السيسي قالها واضحة: 'ابدأوا فوراً في طرح الـ 400 ألف وحدة ، وخلصوا المشروعات اللي تحت الإنشاء' لأنه شايف إن الإسكان هو العمود الفقري للاستقرار.. ولو كل مواطن لقى بيت يعيش فيه، هيبقى عنده طاقة يشتغل، يربي عياله، ويحس إن البلد فعلاً بتهتم بيه.