تأثير الدعم والفائدة على الذهب.. افهم السوق رايح فين - غاية التعليمية

غاية التعليمية يكتُب.. هو الدهب هيزيد ولا هنيزل الفترة الجاية وايه علاقة رفع الدعم واسعار الفايدة بحركة أسعار المعدن الأصفر وانتي افضل وقت للشراء..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

ناس كتير بتسأل دلوقتي عن مصير أسعار الذهب بعد بيانات تراجع التضخم واتجاه لجنة السياسة النقدية في البنك المركزي المصري لخفض سعر الفائدة في اجتماعها 17 أبريل اللي جاي وفي نفس الوقت إصرار الحكومة على رفع الدعم عن الوقود بشكل كلي بنهاية ديسمبر اللي جاي ودا خلي فيه حالة ارتباك كبيرة في الأسواق وشفنا دا من الصعود والهبوط اليومي في الصاغة المصرية..

الحقيقة مخدش عارف الايام الجاية هيحصل فيها ايه لكن المؤكد أن الدهب هيفضل العملاء الآمن ضد أي مخاطر اقتصادية وكل ما كان فيه قرارات صعبة جاية كل ما الطلب على الدهب ما بيزيد ودا نتيجة خوف الناس من انخفاض قيمة العملة من تاني او زيادة الأسعار المحتمل من قرارات اقتصادية زي رفع أسعار البنزين والسولار في النص الشهور الباقية من 2025..

ولو ركزنا في الأسواق  والعوامل اللي بتأثر على سوق الدهب هنلاقي إن فيه اكتر من عامل أولها اتجاه سعر الفايدة واللي بيكون ليه تأثير مباشر على أسعار المعدن الأصفر لان خفضها بيؤدي لاتجاه أصحاب المدخرات والسيولة للاستثمار في الدهب والعكس صحيح وفي نفس الوقت قرار خفض أسعار الفايدة بيكون حسب بيانات التضخم الرسمية وفي حالة تراجعها هنا المركزي بياخد قرار بخفض سعر الفايدة عشان ينعش الأسواق وحركة الاقتصاد مع تخفيض تكلفة الاقتراض.. وفي آخر بيانات رسمية التضخم تراجع بشكل كبير ونزل إلى 12.6%.. لكن يفضل سؤال مهم جدا مهو التضخم هيرجع يزيد تاني مع رفع الدعم عن الوقود لأن زيادة أسعار البنزين والسولار معناها ارتفاع أسعار حاجات كتير ومنها السلع والخدمات بسبب ارتفاع تكلفة النقل.. فهل المركزي هيخفض الفايدة ولا هيستني يشوف تأثير قرارات رفع الدعم عن الوقود .. دا اللي هنعرفه الأيام الجاية مع اجتماع المركزي.

بشكل عام هيفضل 2025 هو عام الدهب لان لسه فيه قرارات اقتصادية صعبة في الطريق لاستكمال برنامج الإصلاح الاقتصادي مع صندوق النقد الدولي وبالتالي هيفضل الطلب على المعدن النفيس كبير وكمان فيه عامل مهم جدا بياثر في سعر الدهب وهو الأحداث العالمية اللي بتأثر على سعره عالميا وشفنا القفزات الكبيرة في الأسعار الفترة اللي فاتت مع قرارات ترامب بفرض رسوم جمركية كبيرة على دول كتير زي الصين وكندا والمكسيك والاتحاد الأوروبي وتوتر الأسواق الدولية ودا افضل وقت سعر  الدهب بيقفز فيه لأن الدول والبنوك المركزية العالمية بتلجأ له عشان ملاذ آمن.