الدولار والدنيا هتولع.. خطة تخويف المصريين الخبيثة - غاية التعليمية

غاية التعليمية يكتُب.. الاوضاع هتفضل مستقرة ولا هتحصل أزمات تانية والأسواق رايحة على فين وهل الناس تبدأ تخاف ولا الأمور تحت السيطرة.. وايه حقيقة اللي بيتقال في منصات السوشيال ميديا..

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

سنة 2024 كانت سنة صعبة على المصريين لأسباب كلنا عارفينها لكن مع بدايات 2025 الأمور اتحسنت بشكل كبير بسبب انخفاض التوتر في المنطقة وعودة الاستقرار للملاحة في قناة السويس ودا غير انتعاش الاستثمارات بشكل كبير والإعلان عن صفقات ضخمة في اكتر من قطاع خاصة السياحة والطاقة على مدار الشهور الأخيرة ودا غير انخفاض معدلات التضخم زيادة توقعات النمو وتحسن المؤشرات الاقتصادية بشكل عام.

واخر الاخبار السارة دي كانت موافقة صندوق النقد الدولي على صرف 1.2 مليار دولار قيمة الشريحة الرابعة لمصر وحصل مصر كمان على قرض إضافي ب1.3 مليار دولار من صندوق التنمية والاستدامة يعني بمجموع 2.5 مليار دولار ودي إضافة كبيرة لسوق النقد في مصر وتعزيز مرونة مصر في سداد أقساط الديون الخارجية وزياده الاحتياطي النقدي واستقرار أسعار الصرف واستقبال مزيد من الاستثمارات الأجنبية في الفترة الجاية بعد قرار الصندوق واللي جدد الثفة في مصر كأحد أهم الأسواق الناشئة في العالم.

وفي نفس الوقت انتشرت تصريحات الصندوق عن رفع الدعم الحكومي بشكل كامل عن البنزين والسولار والغاز والبوتجاز في الشهور الأخيرة المتبقية من 2025 وانتشر كلام بعدها عن أزمات متوقعة وارتفاعات في الدولار بعد تنفيذ رفع الدعم الحكومي.. طبعا دي فرصة لمنصات الفتنة أنها تخوف الناس وتنفخ في النار وبتحاول تصدر للناس أن اللي جاي صعب جدا وإن الأسعار هتولع بشكل محدش هيقدر يستحمله ودا كلام مش حقيقي بالمرة لأن الأوضاع الاقتصادية اتحسنت بشكل كبير جدا والحكومة مش هتخلق لنفسها أزمة أو عاوزة تزعل الناس أو تزود معاناتهم لكن كل خطوة بتم في الملف الاقتصادي بتكون محسوبة كويس جدا ومدروس تبعاتها وتأثيرها وفي خطط لمواجهة الآثار الجانبية ليها.. وفي النهاية الدولة بتنفذ برنامج اصلاح اقتصادي شامل انتهت أصعب مراحله وفاضل إجراءات تانية منها رفع الدعم عن الوقود والسلع والخدمات عشان كل حاجة تتباع وتتسوق بسعرها الحقيقي ودا أساس اي اقتصاد سليم ويقدر ينطلق وينافس ويحسن من جودة الحياة وظروف المعيشة.

طيب ازاي رفع الدعم ممكن يكون حاجة كويسة للمواطنين ؟
لأن ببساطة كده الحاجة لما تتباع بسعرها الطبيعي هتكون وفق العرض والطلب يعني ممكن تلاقي البنزين سعره نزل مع نزول الأسعار العالمية او زيادة الكميات في الإنتاج وهكذا وكمان هيعلم الناس الترشيد في الاستهلاك ودا هيوفر بجانب رفع الدعم مليارات الدولارات كانت بتروح دعم للمواد البترولية والدولة هتوجها لقطاعات تانية مهمة زي الصحة والتعليم والحماية الاجتماعية يعني هيحصل إعادة تدوير للدعم وهتكون فيه إجراءات تانية تحمي المواطن من ارتفاع أسعار السلع مع زيادة أسعار الوقود زي طرح سلع بأسعار مخفضة في المعارض وزيادة المعروض منها وممكن تزود الدعم في بطاقات التموين في حال تأجيل تطبيق الدعم النقدي بالبطاقات وفيه إجراءات تانية كتير.. يعني الأمور هتفضل تحت السيطرة والدولة هتحافظ على المكاسب الاقتصادية اللي حققتها والدولار مش هيقفز لأن المعروض كبير من العملة الخضراء.