أكبر عقبة للصناعة.. شوف ليه الدولة مهتمة أوي بمنظومة الإجراءات الجمركية؟ - غاية التعليمية

غاية التعليمية يكتُب.. إصلاح المنظومة الجمركية واحد من اهم عقبات مصر لزيادة الصادرات.. ياتري الحكومة بتعالج المشكلة دي ازاي.. واية علاقة الجمارك بزيادة عمليات التهريب في الفترة الأخيرة واضرارها علي الاقتصاد المصري.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

السنين اللي فاتت مصر كان عندها مشكلة كبيرة وكانت هيا السبب الرئيسي في هروب ومغادرة عدد كبير من الاستثمارات للسوق المصري، وكمان كانت هيا السبب في تدهور الصناعة المحلية وتاخرها وهيا المنظومة الجمركية واللي في السنين اللي فاتت كانت اداه لاغراق السوق المصري بعدد كبير من البضائع المستوردة من الخارج واللي كانت بتدخل السوق المصري بدون إي روابط أو رسوم، وكانت كمان السبب الاساسي في تعطيل نسبة كبيرة من البضائع والمواد الخام اللي بتحتاجها المصانع للانتاج.

طيب اية اللي بتعمله الحكومة علشان تحل أزمات المنظومة الجمركية؟.

في الفترة اللي فاتت وبالتوازي مع خطة الدولة لزيادة الصادرات كان لازم يكون في كمان خطة لحل مشاكل المصدرين والموردين، خصوصا أنهم كانوا بيعاني من تعدد وزيادة الوقت والمجهود المطلوب للحصول علي تصريح واحد بسفر المنتجات، واول اجراءات اخذته الحكومة للإصلاح المنظومة الجمركية كان العمل بالنافذة الموحدة ودي كانت البديل للنظام القديم واللي هو قائم علي النظام الورقي والتصاريح والاختام اللازمة لموافقات التصدير.

النافذة الموحدة اللي الدولة دشنتها لخدمة اعمال التصدير والتوريد قايمة بشكل كامل علي النظام الالكتروني، ودي من خلال يقدر المصدر الدخول عليها وانهاء اجراءات الإفراج الجمركي بدون اي مشاوير واجراءات طويلة كانت بتاخذ ايام واحيانا شهر علي ما تخلص.

التحديث الجديد لمنظومة الاجراءات الجمركية تضمن كمان احكام عمليات دخول المنتجات والسلع المستوردة من الخارج خصوصا أن السوق المصري كان غرقان بمنتجات مستوردة واغلبها كان داخل بدون اي موافقات أو رسوم جمركية اللي بتحصلها الدولة لصالح الناتج القومي المصري، وهدفه هو حصول الدولة علي حقها القانوني في تحصيل الجمارك، وكمان الحفاظ علي الصناعة المحلية، خصوصا أن المنتج المستورد بيكون ارخص من الإنتاج المحلي، وبالتالي في عدد كبير من الصناعات المحلية اختفت بسبب اجراءات الاستيراد، وعلشان كده الخطة الجديدة للحكومة لدعم التصدير، تضمنت حكومة منظومة الإجراءات الجمركية بما يهدف لتسهيل الافراج الجمركي وضمان حصول الدول علي حقوقها ورسومها الجمركية وضمان الحفاظ علي الصناعة المحلية.