سوق أفريقية مشتركة.. مصر تعلن خطوة تاريخية - غاية التعليمية

غاية التعليمية يكتُب.. هو ايه حكاية المفاجأة الجديدة بين مصر وأفريقيا وإزاي الصادرات المصرية هتدخل الاسواق بميزات خاصة... وإزاي الاقتصاد المصري ممكن يستفاد من الامتيازات دي.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر دولة رائدة وإقليمية في أفريقيا وليها علاقات خاصة وقوية مع معظم دول القارة والمنتجات المصرية ليها سمعة كويسة جدا في الأسواق الافريقية لكن التعاون الاقتصادي والتجاري ونفاذ السلع مكنش على المستوى المطلوب ودا بسبب عوامل كتير منها حالة الفقر الشديدة في بلاد كتير وضعف البنية الاساسية والمواني واللوجستيات في بلاد كتير بالقارة..

الجديد إنه في الفترة الأخيرة دول أفريقية كتير حققت نمو اقتصادي كبير وعملت بنية اساسية وتبنت خطط تطوير طموحة في القطاعات المختلفة واستغلال الثروات ومن بين الخطط دي زيادة التعاون التجاري مع بقية دول القارة..  

وفي الساعات الأخيرة مصر أعلنت مصر عن مفاجأة من العيار التقيل وهي إعلان مصلحة الجمارك المصرية تفعيل اتفاق منطقة التجارة الحرة القارية الافريقية (AFCFTA).. ودي عبارة عن اتفاقية هتسمح بدخول المنتجات المصرية لأسواق إفريقية مهمة بتعريفات جمركية مخفضة والعكس صحيح يعني مصر هتستقبل واردات من الدول دي بتعريفات مخفضة. 

المنشور اللي وزعته الجمارك المصرية بيقول إنه هيتم  تطبيق التخفيض التدريجي للتعريفة الجمركية على واردات مصر من كل من جنوب أفريقيا وبتسوانا وغانا  وكينيا والكاميرون واسوانيني على مدى 10 سنين وفق مبدأ المعاملة بالمثل على أقساط سنوية متساوية على أن تكون نسبة التخفيض بداية من العام الجاري 50%.

كمان تم تطبيق التخفيض التدريجي للتعريفة الجمركية على واردات مصر من دول تانية زي المغرب وروندا وتنزانيا وموريشيوس وتونس والجزائر وبروندي وليسوتو ومالاوي وجامبيا وأوغندا على مدار 5 سنين على أن تكون نسبة التخفيض بداية من السنة دي 2025 بنسبة 100%.

طيب دا معناه ايه كده ببساطة؟
شوف ياسيدي دا معناه فرصة ذهبية للمنتجات المصرية وللمصانع المصرية إن منتجاتها هتدخل الأسواق دي كلها بتعريفات جمركية بسيطة أو مخفضة ودا معناه مكاسب إضافية للشركات دي وتعظيم الايرادات من التصدير والخطوة دي مهمة جدا لرجال الصناعة في مصر وخاصة القطاع الخاص اللي بيتعبر المستفيد الأكبر من دخول منتجات برسوم بسيطة.

المستقبل بيقول إن افريقيا جاية في طريق النمو الاقتصادي العالمي وهتكون رقم مهم جدا في معادلة التجارة الدولية ولازم مصر يكون ليها الحصة الأكبر في الأسواق الافريقية وتستفاد من عشرات الاتفاقيات اللي وقعتها مع الدول الافريقية سواء بشكل ثنائي أوجغرافي أو جماعي ونقدر نقول إن افريقيا في طريقها إنها هتكون سوق مشتركة ومفتوحة وكلها فرص.