بعد توترات البيت الأبيض بسبب أوكرانيا.. شوف أسعار الذهب رايحة فين الفترة الجاية - غاية التعليمية

غاية التعليمية يكتُب.. يا ترى أسعار الذهب رايحة على فين، وإيه سر موجة هبوط الأسعار عالميا ثم صعودها من جديد، هل اللي بيحصل في أمريكا أثر على المعدن الأصفر ولا لأ، طب امتى الأسعار تستقر وتحصل انتعاشة في سوق الذهب.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الأيام الأخيرة، سعر الدهب العالمي ارتفع وخاصة ومع بداية تداولات الأسبوع ده، وكان السبب في كده هو تراجع الدولار الأمريكي، بالإضافة لتزايد الطلب على الملاذ الآمن.

والكلام ده حصل بعد أحداث البيت الأبيض اللي كلنا عرفناها، وخاصة بعد طرد الرئيس الأمريكي دونالد ترامب لفلاديمير زيلنسكي رئيس أوكرانيا من البيت الأبيض، ومن هنا اشتعلت الأجواء والكل اتكلم إن محادثات السلام بين روسيا وأوكرانيا  بتتصعب، وكان للحدث ده تأثير اقتصادي على الأسواق، والكل متخوف من السياسات التجارية الأمريكية في الفترة الأخيرة.

والأحداث دي برضو كان لها تأثير قوي على سوق الذهب، لأن كتير من المستثمرين بيلجأوا في وقت الأزمات السياسية، لشراء الدهب عشان يحصنوا نفسهم من أي أزمة اقتصادية جاية، خاصة وأن المعدن الأصفر هو الملاذ الآمن وبيحفظ قيمة الفلوس.

ولو اتكلمنا عن الأسعار، فسعر أونصة الذهب العالمي ارتفعت بنسبة 0.4% عشان تسجل أعلى مستوى عند 2876 دولار للأونصة، وده معناه إن الدهب لقى الدعم من تراجع الدولار الأمريكي من أعلى مستوياته من أكثر من أسبوعين، واللي سجله نهاية الأسبوع اللي فات، وبالتالي ده اتسبب في إن بقى في زيادة طلب على الدهب وارتفعت أسعاره.

عشان كده، كان الانهيار الأخير في المحادثات بين الرئيس الأوكراني والرئيس الأمريكي، ساهم فب تقليص احتمالات التوصل إلى اتفاق سلام بين روسيا وأوكرانيا، ومن هنا زادت المخاوف بشأن عدم الاستقرار الجيوسياسي، وده غير مسألى الرسوم الجمركية اللي فرضتها أمريكا على كندا والمكسيك والصين، واللي دخلت حيز التنفيذ، فكل ده كان له بعد اقتصادي وساهم في هروب المستثمرين للدهب بعيدا عن أي وعاء إدخاري تاني.

وبالتأكيد، كل ده ساهم في تعافي سعر الدهب مع بداية الأسبوع، عشان ينهي حركة التصحيح السلبي اللي شوفناها الفترة اللي فاتت، ويرجع الذهب يحلق من جديد في سماء زيادة أسعارها.

أما عن توقعات أسعار الدهب الفترة الجاية، فكل المعلومات بتقول أنه هيرتفع تاني عشان يحقق مكاسب رهيبة على حساب الدولار الأمريكي وخاصة في ظل توتر الأوضاع في أمريكا، واللي بالتالي هتأثر على سعر المعدن الأصفر في كل دول العالم، وهيشهد ارتفاعات متتالية في النصف الثاني من سنة 2025.