أول نقطة في سلسلة التصدير.. شوف سر اهتمام الدولة بالمراكز اللوجستية - غاية التعليمية

غاية التعليمية يكتُب.. الفترة اللي فاتت الدولة عملت نسبة كبيرة من المراكز اللوجيستية.. ياتري اية أهمية المراكز دي واية الفايدة الاقتصادية اللي بتضيفها المراكز اللوجيستية للاقتصاد المصري.. واية خطة الدولة للتوسع فيها.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

علي مدار السنين اللي فاتت وتحديدا من بداية وضع اسس الجمهورية الجديدة اللي بيشيدها الرئيس عبدالفتاح السيسي واللي مبينة بشكل كامل علي الاقتصاد، الدولة اهتمت جدا بالمراكز اللوجيستية خصوصا ان الحكومة بتعتبرها الاساسات اللي بيقوم عليها الاقتصاد المصري ومن غيرها الاقتصاد للاسف مش هيكون في افضل حالته، خصوصا في قارة زي قارة أفريقيا واللي البنية التحتية في اغلب الدول فيها للاسف تعتبر مش موجود ووجود مركز لوجيستي لمصر في أي دول افريقية ساعد مصر بشكل كبير جدا في تنمية الصادرات المصرية لدول القارة الأفريقية، خصوصا أن مصر عندها خطة أنها تتحول لمركز اقليمي للتبادل التجاري.

وعلشان مصر توصل لحلمها بأنها تكون مركز اقليمي للتبادل التجاري فالدولة، بدأت خطتها من الاهتمام بالنقل والبنية التحتية في تطوير الطرق والكباري خصوصا أن النقل هو العصب الرئيسي للنهضة الصناعية والزراعية في أي دولة من دول العالم، وده اللي عملته الحكومة وعملت ثورة غيرت بيها خريطة الطرق في مصر بشكل كامل، ومصر في الوقت الحالي تصنيفها في الطرق اتغير 180 درجة عن السنين اللي فاتت .

الثورة الكبيرة اللي قامت بيها مصر في مجال الطرق والكباري عملت ربط كامل بين اطراف الدولة المصرية وبط الطرق متاحة وحولة لنقل المواطنين والبضائع بين كل محافظات الجمهورية، وده ساعد تسهيل إجراءات حركة نقل البضائع وزيادة التبادل التجاري، ودول حاجتين من اهم عوامل التنمية الإقتصادية اللي بتقوم بيها مصر في الوقت الحالي، ده غير أنه ساعد في تيسير حركة المواطنين فى التنقل لكافة الأغراض الإقتصادية والتجارية والسياحية وغيرها من المجالات المختلفة.

الثورة الكبيرة اللي قامت بيها مصر، تضمنت كمان تطوير المؤاني والسكك الحديدية والجر الكهربائي أو الموانئ البرية والجافة والمناطق اللوجيتسية والموانئ البحرية والنقل النهري ، وفي الفترة اللي فاتت مصر تجحت في انشاء 7 ممرات لوجستية متكاملة، واللي كان لهم عامل السحر في ربط مناطق الإنتاج سواء كانت صناعي أو زراعي أو تعديني بالموانئ البحرية، ده غير ربط الموانئ البحرية على البحر الأحمر بالموانئ البحرية على البحر المتوسط.

المركز اللوجيستية اللي انشأتها الدولة المصرية سهلت علي مصر حركة نقل البضائع وحسنت سلاسل الإمداد، ووهيا عبارة عن نقط للتخزين والشحن إلي سلاسل التصدير الخارجية وساعدت الدولة في خطتها لفتح مجالات التصدير قدام القطاع الخاص، خصوصا أن في الوقت الحالي بقت عمليات التصدير سهلة ومتاحة قدام الشركات اللي بتقوم بتخزين منتجاتها وبتشحنها بكل سهولة للبلاد المستقبلة للمنتجات الصناعية.

 والدولة حاليا بتحاول تكرر فكرة بناء المراكز اللوجستية في عدد من الدول الأفريقية علشان تقدر تكون نقطة تصدير وتخزين للبضائع اللي بتحتاجها الدول الأفريقية خصوصا أن السوق الأفريقي سوق واعد للتجارة والصادرات المصرية .