باب دولاري جديد لمصر من الاتحاد الأوروبي.. تعاون مهم في توقيت حرج - غاية التعليمية

غاية التعليمية يكتُب..  في تعاون كبير حاليا موجود بين مصر ودول الاتحاد الأوروبي والتعاون وصل لمستوي الشراكة، ومصر حاليا بتستهدف زيادة جديدة في المستهدفات الدولارية من دول الاتحاد الأوروبي، ياتري مصر هتستفاد أزاي من الشراكة دي.. واية فوايدها للاقتصاد المصري

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الفترة الحالية مصر بتستهدف زيادة الشراكات والتفاهم مع اغلب دول العالم، وكان اخرها الشراكة اللي وقعتها مصر مع الاتحاد الأوروبي في مارس 2024، واللي فيها تم الاتفاق علي حصول مصر علي تمويل بقيمة مليار يورو، وكمان هتحصل مصر في الفترة اللي جاية علي 4 مليار يورو بسببب استضافة مصر لعدد كبير من اللاجئيين.

طيب اية اللي بيحصل بين مصر والاتحاد الأوروبي؟.
مصر حاليا بتحاول ترفيع العلاقات مع دول الاتحاد الأوروبي، من علاقات سياسية الي علاقات اقتصادية، خصوصا أن مصر بتقدم تحفيزات وتسهيلات كبيرة للمستثمرين ورؤوس الأموال الأجنبية للدخول للسوق المصري، وبناء مشروعات وشركات جديدة هتكون باب لمصر لتصنيع الحاجات اللي السوق المحلي بيحتاجها وكمان هيكون عندنا فائض كبير للتصدير، يعني مش هنكون محتاجين نستورد منتجات صناعية لتغطية النقص اللي موجودة في السوق المحلي، وكمان هيكون عندنا منتج صناعي ممكن الدولة تصدره للخارجية وبالتالي الدولة هتوفر في فوتورها الاستيرادية وكمان هتزود في الفاتورة التصديرية.

المحادثات اللي عملتها الحكومة مع مفوضة الاتحاد الأوروبي لشئون المتوسط وبرافكا سويتشا، تركزت علي استعرض الأولية اللي بتوفرها الحكومة المصرية لجذب الاستثمارات والفرص الاستثمارية الواعدة الموجودة في مختلف القطاعات الاقتصادية في مصر، وكمان الفرص الاستثمارية الموجودة في المنطقة الاقتصادية لقناة السويس واللي بتعد حاليا مركز لوجيستي عالمي ومنطقة جاذبة للاستثمارات العالمية.
محادثات وفود الحكومة مع مفوضة الاتحاد الأوروبي، عرض كمان الفرص الاستثمارية اللي ممكن الشركات الأوروبية تدخل فيها خصوصا في مجالات الطاقة بمختلف مصادرها لتعزيز أمن الطاقة الأوروبي. 

التعاون الاقتصادي اللي بقي موجود بين مصر والاتحاد الأوروبي بتتضمن أمكانية حصول مصر علي قروض ميسرة بفائدة منخفضة للغاية وفترة سماح وسداد طويلة مش هتقل عن 20 سنة، ودي واحد من الخطط اللي شغالة عليها الحكومة في الفترة الحالية كبديل أمن وافضل من القروض اللي كانت بتحصل عليها مصر من صندوق النقد الدولي .
ولازم نكون عارفين أن مصر والاتحاد الأوروبى متربطين حاليا بعدد كبير من الاتفاقات الاقتصادية المهمة في عدد كبير من المجالات التنموية والاقتصادية، ده غير ان الاتحاد الأوروبى بيعد واحد من أهم الشركاء التجاريين لمصر، وحاليا مصر في مرحلة جديدة من زيادة الترابط السياسيي والتجاري مع تشغيل مشروع الربط الكهربائي المصري الأوروبي واللي هيكون عن طريق مشروع الربط الكهربائي بين مصر وقبرص ومشروع الربط الكهربائي بين مصر واليونان، والخطين دول هيكونوا بوابة مصر لتصدير الكهرباء لأوروبا بشكل كامل واللي هيا في امس الحاجة للطاقة للانارة وتشغيل المصانع والشركات.