نمو صاعد ونصيب الأسد في الاستثمارات.. الاقتصاد المصري يتصدر في أفريقيا - غاية التعليمية

غاية التعليمية يكتُب.. الاقتصاد المصري في صدارة اقصاديات قارة إفريقيا.. إزاي وصل للمستوى دا وإيه الجديد في تقارير النمو الاقتصادي المصري في 2025.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

الاقتصاد المصري نقدر نقول إنه قدر يجاوز أخطر الأزمات في 2024 وقدر يرمم نقاط الضعف اللي اثرت عليه بسبب الأزمات العالمية والأحداث اللي في المنطقة وزي ماقال الرئيس هنحول المحنة لمنحة ومصر اشتغلت على تصنيع الدولار بمعني ضاعفت الموارد الدولارية من القطاعات اللي بتجيب عملة صعبة زي السياحة وتحويلات المصريين بالخارج والاستثمار المباشر وغير المباشر والتصدير وقناة السويس وفي نفس الوقت بتقلل الاعتماد على الاستيراد قدر الإمكان مقابل توطين الصناعة المحلية وجذب البراندات العالمية لإقامة مصانع ليها في مصر.

كمان مصر عملت ثورة تشريعية وتقنية في ملف الاستثمار ودا خلي السوق المصري يتصدر أسواق القارة الأفريقية مع جنوب أفريقيا في حصة الاستثمارات الخارحية اللي داخلة القارة الأفريقية كلها خلال 2023 وكمان 2024 ودا بيأكد إن مصر تجاوزت المحن وبتستعد لإنطلاقة كبيرة على الصعيد الاقتصادي في الفترة الجاية ودا اللي أكده النهاردة بنك التنمية الإفريقي واللي اتوقع ارتفاع معدل نمو الاقتصاد المصري إلى 3.9% خلال العام الجاري 2025 وصولا إلى 4.8% خلال السنة الجاية 2026.

البنك قال كمان في أحدث تقديراته لاقتصادات القارة الإفريقية إن الاقتصاد المصري نما بنسبة 2.4% السنة اللي فاتت 2023، وإن الارتفاع المتوقع بيعكس قدرة الدولة المصرية على الصمود اقتصاديا في مواجهة التوترات الجيوسياسية بالشرق الأوسط

البنك الأفريقي أكد كمان في تقريره إن مصر دلوقتي من أهم الوجهات الجاذبة للاستثمار الأجنبي المباشر في أفريقيا خاصة على صعيد المشروعات الخضراء والقطاع السياحي والعقاري والصناعة.. واستشهد البنك بالزيادة القياسية في تحويلات المصريين في الخارج واللي لامست 30 مليار دولار في حدوث تعافي اقتصادي كبير في مصر وإن الفترة الجاية الاقتصاد المصري هيقود اقتصاديات افريقيا في النمو وبيأكد إن أيام الأزمات انتهت.

طبعا تقرير بنك التنمية الإفريقي النهاردة وهو مؤسسة مالية إقليمية مرموقة وصدور تقارير دولية ايجابية قبلها من مؤسسات دولية زي وكالات التصنيف الائتماني عن الاقتصاد المصري بيكون بمثابة شهادة ثقة ودعوة مفتوحة للمستثمرين في العالم للقدوم للسوق المصري وضخ استثمارات كبيرة وخاصة مع التطور الكبير في البنية التحيتة في مصر في السنين الأخيرة وخاصة في قطاع المواني واللوجستيات وخطوط التجارة الدولية ودا حول مصر لكنز بالنسبة لأي مستثمر وشفنا اللي بيحصل في المنطقة الاقتصادية لقناة السويس على سبيل المثال والصفقات الكبيرة اللي تمت فيها خلال الأيام اللي فاتت ودا غير المشروعات الضخمة اللي تم الاتفاق عليها في مجال الطاقة النظيفة والشراكات الاقتصادية مع دول وكيانات ضخمة.. وكل دا بيقول إن اقتصاد مصر دخل المنطقة الخضراء في النمو والصعود.