ضربة المركزي اللى غيرت حياة المصريين.. إزاي "نص الشعب" دخل الشمول المالي - غاية التعليمية

غاية التعليمية يكتُب.. تعرف ان فيه  أكتر من 52 مليون مصري دلوقتي معاهم حسابات بنكية أو محافظ إلكترونية.. أو بطاقات مدفوعة مقدّمًا.. رقم ضخم، مش كده؟ .. طب ليه الأرقام دي بتزيد بالشكل ده؟ وإزاي البنك المركزي قدر يغيّر ثقافة التعامل بالكاش ويوصل للشباب والستات وأصحاب الحرف؟ الأهم.. ده معناه إيه للاقتصاد المصري؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

خلينا نبدأ من الأول...  يعني إيه شمول مالي اصلا؟

الشمول المالي معناه إن كل واحد فينا من أصغر شاب عنده 15 سنة لأكبر واحد فاتح ورشة صغيرة، يبقى عنده حساب مالي يقدر يدير بيه فلوسه، يحوش، يدفع، يستلم... كل حاجة بضغطة زرار.. وده اللي البنك المركزي المصري نجح فيه.. دلوقتي في 2025 عندنا 52 مليون مواطن من أصل 69.6 مليون بالغ بيستخدموا حسابات في البنوك، البريد، محافظ الموبايل، أو حتى بطاقات مدفوعة مقدمًا.. يعني حوالي 74.8% من الناس بقوا جوا المنظومة دي، وده رقم مش بسيط.

طب إزاي ده حصل؟

البنك المركزي نفذ خطة جريئة.. من 2016 لـ 2024، معدل الشمول المالي نما بنسبة 204%.. يعني من كام سنة  أقل من تلت الناس فى مصر بس اللي كان عندهم حسابات بقينا بنتكلم عن تلت أرباع المصريين تقريبًا.

ومش بس كده.. الستات كمان دخلوا اللعبة بقوة. 23.3 مليون سيدة دلوقتي بيستخدموا حسابات مالية، وده يعني إن 68.8% من ستات مصر بقوا يديروا فلوسهم بنفسهم بزيادة 295% عن 8 سنين فاتوا.

والشباب كمان فيه  53.1% منهم يعني أكتر من نص الـ 39.4 مليون شاب – بقوا في الصورة وده بفضل قرار ذكي زي إن سن فتح الحسابات يبقى 15 بدل 16.
حتى أصحاب الحرف والناس البسيطة ما اتسابوش.. في سنتين بس ..من 2022 لـ 2024 اتفتح حوالي مليون حساب للأفراد و400 ألف حساب لنشاط اقتصادي صغير.. كله ببطاقة الرقم القومي وبس.. يعني النجار، السباك، البياع في السوق... كلهم دلوقتي بيشتغلوا ويستلموا فلوسهم جوا النظام الرسمي.

طب ليه كل ده يفرق معانا؟ لأن الشمول المالي مش مجرد أرقام ده تغيير في حياة الناس.. لما الست تقدر تدير فلوسها وتحوش لأولادها أو الشاب يقدر يدفع مصاريف جامعه من موبايله، أو صاحب الورشة يستلم فلوس شغله على حسابه بدل الكاش. 

ده معناه إن الوقت بيتوفر، الفلوس بتتراقب، والحياة بتبقى أسهل.. و البنك المركزي مش بس بيفتح حسابات ده بيدي الناس أدوات تخليهم يعتمدوا على نفسهم ويطلعوا من دايرة الفلوس الناقصة.

ومش ننسى إن الموضوع ده جزء من حلم أكبر، رؤية مصر 2030. يعني لما بنكلم عن تمكين اقتصادي بنتكلم عن إن كل مواطن يبقى عنده فرصة يعيش حياة كريمة سواء كان راجل، ست، شاب، أو حتى من ذوي الهمم.

إزاي حصل الكلام ده؟
البنك المركزي ما عملش ده لوحده.. ده كان تعاون كبير مع البنوك، البريد، الوزارات، وكل الجهات اللي شايفة إن المواطن لازم يبقى في الصدارة. فكرة إنك تخلي الخدمات المالية في متناول الجميع، بجودة حلوة وسعر مناسب، دي اللي خلت الناس تثق وتدخل المنظومة.. تخيل إنك دلوقتي تقدر تدفع فاتورة الكهربا، تشتري حاجة أونلاين، أو تبعت فلوس لأخوك في الصعيد... كله من غير ما تتحرك من مكانك!

والبنك المركزي ركز على الناس اللي كانوا برا الصورة، زي الستات، الشباب، وأصحاب الأعمال الصغيرة.. والتعليمات الجديدة زي تقليل السن، وتسهيل فتح الحسابات.. خلت الكل يلاقي مكان في النظام ده.