عروض الجمعة البيضا من البنوك المصرية.. تقسيط وقروض وتسهيلات - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

يا ترى هل البنوك المصرية هي كمان بتحتفل بالجمعة البيضا، وبتقدم تسهيلات وخدمات مخفضة، طب ايه هي الخدمات دي، ومتاحة في أي فترة وهتخلص امته.. هنقولك كل التفاصيل في الفيديو ده فتابعنا للآخر. 
 

 
كتير من البنوك المصرية بتستغف فترة الاحتفال بالجمعة البيضا، اللي بتبدأ وتستمر على مدار شهر نوفمبر من كل سنة، وبتقدم عروض وتخفيضات مختلفة، وده طبعا هدفه جر رجل الزبون وجذب العملاء وتشجيعهم على الاستفادة من خدماتها.

عشان كده، البنوك اللي شغالة في مصر، بتقدم عروض وخصومات كتيرة على خدماتها بمناسبة الوايت فرايداي، واللي أولها عروض على البطاقات الائتمانية، زي استرداد نقدي، كاش باك يعني، وده بيحصل أثناء استخدام البطاقات الائتمانية في الشراء من متاجر معينة خلال فترة الجمعة البيضا.

وخلي بالك، بختلف نسبة الاسترداد حسب البنك، وممكن توصل في بعض الأحيان ل 10% أو أكثر.

ومن ضمن الخدمات كمان، التقسيط بدون فوائد، يعني البنوك بتوفرلك ميزة التقسيط على مشتريات الوايت فرايداي من خلال البطاقات الائتمانية بدون فوائد، ولفترات تتراوح بين 6 و12 شهرًا، وده بيسمح بتوزيع تكلفة الشراء على عدة أشهر بدون زيادة.

تالت حاجة بتقدمها البنوك في الجمعة البيضا، هي نقاط مكافآت مضاعفة عند الشراء من متاجر محددة خلال فترة العروض، وده بيزود من قيمة النقاط اللي ممكن تستبدلها بعد كده بمنتجات أو خدمات.

ضيف على كل ده، قروض شخصية بمعدلات فائدة منخفضة، ففي بعض البنوك بتعرض قروض شخصية بمعدلات فايدة مخفضة وبدون رسوم إدارية أو مع رسوم رمزية، وده بيسهل على العملاء الحصول على التمويل اللازم للشراء خلال موسم التخفيضات.

وكمان، متاح برامج تأجيل سداد الأقساط لمدة بتصل ل 3 شهور ، واللي بالتأكيد بتساعد في تخفيف الأعباء المالية عن العملاء بعد الشراء.

وقايمة العروض بتشمل خصومات خاصة على الشراء من المتاجر الشريكة، وده بسبب شراكات عملتها البنوك مع عدد من المتاجر الكبرى لتقديم خصومات حصرية لحاملي بطاقاتها، سواء عند الشراء من المتجر مباشرة أو عبر الإنترنت.

وبتشمل الخصومات دي، الإلكترونيات والأجهزة المنزلية، والأزياء، والمجوهرات، وبتختلف نسبة الخصم حسب الاتفاق مع كل متجر.

والخدمات البنكية مش بتقف على كده، لأ ده كمان متاح فتح الحسابات في فترة الوايت فرايداي، فالبنوك بتشجع على فتح حسابات جديدة من خلال تقديم هدايا نقدية أو نقاط مكافآت أو حتى باقات مصرفية مجانية لفترة محدودة للعملاء الجدد.

وبتشمل العروض دي كمان ، تخفيضات على الرسوم السنوية لبعض الخدمات المصرفية أو على رسوم فتح الحسابات، مما يجعلها فرصة جذابة للذين يرغبون في الانضمام للبنك.

كل ده بجانب مزايا إضافية لحاملي البطاقات البلاتينية والذهبية، زي خصومات أكبر، ودخول مجاني إلى بعض المطاعم أو صالات السفر، بالإضافة لخصومات على الفنادق والسيارات.

وقبل ما نخلص الفيديو، هنقولك على شوية نصايح مهمة للاستفادة من عروض الوايت فرايداي من البنوك، واللي أولها إن حضرتك تقرأ الشروط والأحكام الخاصة بالعروض كويس جدا، لأن في بعض البنوك بتفرض حدود معينة للمبلغ المسترد أو بتحدد المتاجر المشاركة، فمش أي مكان هيكون عليه العرض.

تاني حاجة، تقارن العروض بين البنوك، فمهم جدا تقارن عروض البنوك المختلفة للحصول على أفضل قيمة، خاصة فيما يتعلق بنسبة الاسترداد النقدي أو شروط التقسيط.

تالت حاجة، الشراء من المتاجر اللي بتتعاون معاها البنوك ، للحصول على خصومات إضافية أو نقاط مكافآت.