مشروع هيغير شكل الزراعة في مصر.. التنين الصيني داخل على تقيل - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

هو  إيه اللي ممكن يحصل لما أكبر بلد في العالم في عدد السكان تتعاون مع واحدة من أقدم الحضارات في التاريخ؟ تخيلوا لو قوتين بالحجم ده قرروا يشتغلوا سوا؟ ومش على أي حاجة ده على مشروع زراعي عملاق .. في الفديو ده هنقولكم على المشروع الضخم اللى هتتعاون فيه مصر مع الصين واللى هيتم من خلاله ضخ استثمارات بقيمة 7 مليار دولار.

تخيل معايا... مليون فدان! مساحة مهولة في قلب الوادي الجديد، أكبر محافظة في مصر، وواحدة من أكتر المناطق واعدة على مستوى العالم… إيه اللي ممكن يحصل فيها لما العملاق الصيني يقرر يحط ايده في إيد مصر ويبدأوا مشروع استثماري بـ7 مليارات دولار.. مشروع هيغير شكل الزراعة، الاقتصاد، وحتى الصناعة في مصر

ده مش حلم ولا امانى  ده حقيقة يقت على أرض الواقع..  تحالف استثنائي ما بين شركات صينية والحكومة المصرية والقطاع الخاص بيهدفوا لتحويل الوادي الجديد إلى مركز زراعي وصناعي عالمي…  مش مجرد زراعة وخلاص لا  دي خطة ضخمة بتبدأ بـ1000 فدان في المرحلة الأولى، اللي هتخلص في سبتمبر 2025. لكن الهدف النهائي مليون فدان كاملة بمشروعات متكاملة تخدم الزراعة التصنيع وحتى الطاقة

"محمد علاء، أمين عام مؤسسة رجال الأعمال المصريين الصينيين، وضّح إن التحالف ده بين شركات صينية والقطاع الخاص والحكومة في مصر. والهدف؟ إنشاء مجمع زراعي وصناعي متكامل يستثمر فيه 7 مليارات دولار. وده بدعم مباشر من الحكومة الصينية، وبتمويل القطاع الخاص، علشان نزرع محاصيل استراتيجية زي القمح، والذرة، وفول الصويا، وعباد الشمس، وكمان فواكه للتصدير لأوروبا.

عارف يعني إيه زراعة القمح، الذرة، فول الصويا، وعباد الشمس بأحدث التكنولوجيا؟

يعني تقليل الاستيراد وتوفير عملة صعبة وتحقيق اكتفاء ذاتي يخلينا نوقف الاعتماد على الخارج.. وده مش كفاية لأن التحالف ده هيزرع كمان فواكه للتصدير لأوروبا ونباتات طبية وعطرية بقيمة اقتصادية هائلة

طيب اسمع دي… الوادي الجديد مش هيكون مجرد أرض زراعية.. لا ده هيتحول لمجمع متكامل فيه كل حاجة من البحوث الزراعية المتقدمة لمصانع بتحوّل جريد النخل لأخشاب لمشروعات طاقة متجددة من الرياح والشمس.. يعني المشروع مش بس بيخدم مصر ده كمان بيخليها تنافس على مستوى العالم

طب فين الجزء الصناعي من القصة؟

الحكومة هتساعد التحالف في إنشاء مجمّع للبحوث الزراعية المتقدمة، وكمان مجمع صناعي متكامل علشان نوطّن صناعات زراعية جديدة في الوادي الجديد. تخيل مصانع بتحوّل جريد النخل لأخشاب، وتوليد طاقة نظيفة من الرياح والشمس! كل ده في مكان واحد… شفتوا التكامل

والمشروع هيكون شراكة حقيقية بين قوتين كبيرتين. مصر بخبرتها وأرضها والصين بإمكانياتها والتكنولوجيا بتاعتها المتطورة .. والنتيجة مشروع هيحطنا على خريطة الزراعة والصناعة العالمية ويحقق حلم بنحاول نوصله من سنين اكتفاء ذاتي وفرص عمل واقتصاد أقوى