هيزود العملة الصعبة ويساهم في حل أزمة الدولار.. تحرك هام في ملف الموانئ - غاية التعليمية

غاية التعليمية يكتُب.. يا ترى إيه هي الفوايد الاقتصادية لتطوير الموانىء المصرية، وإزاي الحكومة بتفكر تحولها دلوقتي لبوابات الخير والاستثمار، وإيه دورها في حل أزمة الدولار وزيادة التدفقات من العملة الصعبة لمصر خلال الفترة الجاية.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

طبعًا، مصر غنية بعدد كبير من الموانىء البحرية اللي بتعتبر ممرات للصادرات المصرية لجميع دول العالم، عشان كده دورها مهم جدًا لأنها بتعتبر طوق النجاة للدولة من الناحية الاقتصادية، بسبب ارتباطها بالتجارة الخارجية لأنها بتهيمن على غالبية أنشطة نقل البضائع.

وحاليًا، الحكومة المصرية بتطور الموانىء عشان تعزز دورها في المرحلة الجاية، يعني عندك مثلًا مشروع المحطة متعددة الأغراض بميناء سفاجا، اللي بتعبتر واحدة من أهم المشروعات القومية بسبب موقعه الاستراتيجي على البحر الأحمر، وكمان بييمتد على مساحة 81 هكتار، ومقرر تستوعب المحطة من نف مليون حاوية لـ 3 مليون حاوية سنويًا، بالإضافة إلى استقبال بضائع عامة بتقدر بحوالي 7 مليون طن.

كمان، الحكومة أعلنت إن الفترة الجاية هتركز على المنطقة المحيطة بميناء سفاجا، اللي بتعتبر ضمن مشروع تنمية المثلث الذهبي، وتم إنشاء منطقة متكاملة حول الميناء لكل الصناعات اللي هيتم توطينها في المنطقة دي، كمان في رؤية لتحويل ميناء سفاجا نفسه عشان يكون ميناء لتصدير الأمونيا الخضراء مستقبلاً، خاصةً أن مناطق توليد الطاقة هتكون متواجدة غرب النيل في محافظات قنا وسوهاج والمحافظات الجنوبية.

ضيف على كده مشروع المثلث الذهبي، اللي بيشمل تطوير ميناء ومدينة سفاجا، والهدف منه دلوقتي تحويل ميناء سفاجا إلى ميناء تجاري وصناعي دولي، بالإضافة لإنشاء مركز عالمي متكامل، زي صناعي واقتصادي وتجاري ولوجستي وسياحي ومنطقة اقتصادية جديدة للتنمية المستدامة في الصعيد.

ونقدر نقول إن من أهم المكاسب الاقتصادية لمشروعات تطوير الموانئ في الجمهورية هي إنها تعزز من ريادة مصر الإقليمية في المنطقة، خاصة وإن مصر محتاجة دلوقتي لزيادة منافذ دخول العملة الصعبة والتدفقات الدولارية، وكمان تطوير الموانئ هيساهم في زيادة سُبل التجارة الخارجية، لأن أغلب السلع المستوردة ل مصر بتيجي عبر البحر والموانئ، ومع مرور الوقت مصر هتتحول لمركز عالمي للتجارة عبر البحر.

كمان، مع استكمال تطويرميناء سفاجا فهيتحول لأهم الموانئ البحرية في إفريقيا والشرق الأوسط، وهيقدر يقدم خدماته للحجاج والتجارة الدولية مع دول إفريقيا ودول جنوب شرق آسيا وأستراليا.

يعني إجمالًا، قريب جدًا هنلاقي المواني المصرية اتحولت لأهم مصدر دولاري لمصر وهتساهم بشكل كبير في زيادة العملة الصعبة.