محمد ثابت يكشف عن لوائح ظهور اللاعبين إعلاميًا - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

كشف محمد ثابت المسئول الإعلامي لفريق الكرة بالنادي الأهلي عن تفاصيل دوره في الفريق وطريقة مساعدته للجهاز الإداري والفني .

قالمحمد ثابت في تصريحات لقناة الأهلي في برنامج "حارس الأهلي" الذي يقدمه الإعلامي أحمد شوبير: "فيه مجموعة من المهام اتبلغنا بيها، واحنا قاعدين مع كابتن محمد رمضان اتفقنا إننا محتاجين يكون فيه لوائح داخلية وخارجية، زي مافيه لوائح للمسابقات بيكون فيه للإعلام".

وتابع: "احنا بنبقى مسؤولين، اللاعب يتكلم امتى ويقول ايه، وعلشان يوصل للإعلام المفروض يحصل على موافقة من مين، والجهاز الإداري من الطبيعي عنده حاجات كتير بيعملها ولازم يكون حد بيساعده، يعني لو حد طلب يعمل لقاء مع عنصر من عناصر الكرة لازم يكون من خلالنا ندرس أبعاد الموضوع ونشوف مناسب أصلا ولا لأ".

وأضاف: "احنا بنعرضه على المدير الرياضي، وهو يحدد وهل هيوافق أو يشوف مش مناسب أو لأ وبعد رأي المدير الرياضي بنرجع للاعب سواء بالموافقة أو الرفض".

وزاد: "وكمان دورنا مش بيخلص على كده، احنا بنحدد ايه التصور العام وايه النقاط المهمة اللي ممكن تتقال في الانترفيو، واتكلمنا عن مرحلة التوعية باللوائح".

وأكد: "مشاركة الاهلي في الدوري والكأس والمشاركات الدولية زي كأس العالم أو غيرها دورنا فيها بنطبق اللوائح الإعلامية اللي بتبلغنا بيها الفيفا مثلا ، يعني احنا بنحصل على اللائحة الخاصة بالمسابقة، وأعرف اللاعبين والجهاز الفني، بالمعلومات دي".

وأشار: "حتى اللقاءات بعد المباريات، بيبقى فيه حاجات إجبارية احنا بنتعامل معاها ونبتدي نشتغل من خلالها بحيث ميحصلش اي ضرر علينا أو عقوبات بسبب منعنا من اللقاءات لذلك بيتم دراسة كل ذلك وإبلاغه لكل العناصر".