أهم معركة في 2025.. البنك المركزي ناوي على إيه بخصوص أسعار الفايدة؟ - غاية التعليمية

غاية التعليمية يكتُب.. يا ترى أسعار الفايدة رايحة فين فى 2025 ؟ وايه القرارات اللى ممكن ياخدها البنك المركزي فيما يتعلق بسعر الفايدة؟ وإزاي حياتنا بتتأثر بقرارات البنك المركزي المصري في الفترة الجاية؟  وإيه تأثير ده على قروضك ومدخراتك؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

خلينا نبدأ بنظرة سريعة على الوضع الحالي.. معدل التضخم السنوي لأسعار المستهلكين في المدن انخفض بشكل طفيف في يناير اللي فات وسجل 24% مقارنة بـ24.1% في ديسمبر.. كمان التضخم الأساسي اللي بيحسبه البنك المركزي استمر في الانخفاض للمرة الرابعة على التوالي ووصل لـ22.6% في يناير 2025 مقابل 23.2% في ديسمبر 2024 .. ودي كلها مؤشرات على ان اجراءات البنك المركزي نجحت فى السيطرة على غول التضخم.

طب إيه التوقعات للفترة الجاية؟

عدد من محللي الاقتصاد الكلي في بنوك الاستثمار المصرية بيتوقعوا إن البنك المركزي المصري قرب ياخد قرار بخفض فائدة الجنيه في الأيام اللي جاية..  وده بسبب وجود مؤشرات اقتصادية بتدعم الخفض.. و التوقعات دي مبنية على انخفاض ملحوظ في معدلات التضخم خلال فبراير ومارس وده بيدعم قدرة المركزي على اتخاذ قرارات متتالية بخفض الفايدة.

لكن، إزاي هيكون شكل خفض الفايدة ده؟

التوقعات بتختلف ما بين خفض كبير..  فيه محللين شايفين إن التحسن في مؤشرات الاقتصاد زي استقرار سعر صرف الدولار عند مستوى 51 جنيه  ونص ومعالجة مشاكل سلاسل التوريد المحلية، بيدعم خفض قوي للفائدة في الاجتماع الجاي.

وناس تانية بتقول ان هيكون فيه تحركات حذرة.. فيه توقعات تانية بإن الخفض هيكون تدريجي وبمعدلات بسيطة بين 0.5% و1% بنهاية مارس أو بداية الربع التاني من السنة.

طب إيه اللي ممكن يأثر على قرارات البنك المركزي؟

البنك المركزي بياخد في اعتباره مجموعة من العوامل منها.. معدلات التضخم..  لو استمر التضخم في الانخفاض ده هيدعم خفض الفايدة.. وطبعا سعر الصرف وفى حال استقرار الجنيه ده ممكن يشجع على خفض الفايدة.. بالاضافة كمان للأوضاع الجيوسياسية لأن أي توترات ممكن تأثر على قرارات المركزي.

طب إيه تأثير ده على المواطن العادي؟

لو الفايدة نزلت ده ممكن يخلي القروض أرخص.. وده يشجع الناس والشركات على الاقتراض والاستثمار.. و من ناحية تانية خفض الفايدة ممكن يقلل العائد على الشهادات والودائع في البنوك.. وده يخلي المدخرين يدوروا على طرق تانية للاستثمار.

في النهاية.. لازم نتابع قرارات البنك المركزي وتأثيرها على حياتنا اليومية.. سواء كنت بتفكر تاخد قرض أو عندك مدخرات في البنك..  القرارات دي هتأثر عليك بشكل مباشر. عشان كده، مهم نكون دايمًا على اطلاع بآخر المستجدات والتطورات في المجال ده.