مليارات الدولارات في الأرض.. السيسي يفتح ملف الثروات المنسية - غاية التعليمية

غاية التعليمية يكتُب.. جايز مصر مش دولة غنية بالبترول لكن في نفس الوقت دولة غنية بموارد تانية طبيعية وبتقدر بمليارات الدولارات في باطن الأرض ومصر هبة مواردها الاقتصادية والحقيقة ثروات مصر التعدينية فضلت مهملة بشكل كبير لغاية وصول الرئيس السيسي لحكم مصر وبدأت الدولة تحط استراتيجيات واضحة لاستفادة القصوى من الثروات دي.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

طيب ايه هي الثروات التعدينية؟

ببساطة كده هي كل مواد  خام في باطن الأرض ممكن تستفاد منه اقتصاديا بداية من الدهب والبترول والغاز لغاية الرمال واليورانيوم وأهمية الملف إنه ممكن يدخل استثمارات بمليارات الدولارات خاصة إن مصر عندها صحاري مليانة كنوز مستنية اللي يكتشفها.

والحقيقة الرئيس عبد الفتاح السيسي اعتمد استراتيجية طموحة متعددة الأوجه لتحقيق الاستفادة الكاملة من ثروات وموارد مصر الطبيعية، وانعكاس دا على تعزيز النمو الاقتصادي وبدأت مصر أكبر خطوة في تطوير قطاعها التعديني ورفع مساهماته في الاقتصاد القومي والحكاية بدأت من تطوير التشريعات القديمة والتخلص من الروتين لجذب الاستثمارات الخارجية للقطاع الحيوي دا وزيادة مساهمة النشاط التعديني في الناتج المحلي الإجمالي ودا كله في النهاية هيوصلنا لتحقيق هدف مهم جدا وهو تحويل مصر إلى مركز عالمي للتعدين.

طيب مصر عندها إيه من الثروات التعدينية؟

أرض مصر كلها خير وكنوز وفيها ثروات هائلة بداية من الدهب اللي مصر عرفت تستخرجه من الاف السنين وعندها مناجم من أيام الفراعنة ودا غير عشرات المناجم اللي تم اكتشافها في السنين الأخيرة ومنها منجم السكري أكبر منجم مكشوف في العالم وغيرها من المناطق الواعدة والدولة أعلنت عن خطة طموحة لتحويل مصر لمركز اقليمي في استخراج الدهب وتصنيعه وطرحت مناقصات كتيرة للتنقيب أمام الشركات العالمية في أكتر من 140 منطقة والنتايج جت مبشرة جدا وأخرها منجم منطقة إيقات واللي كان ليه انعكاسات مباشرة على احتياطي مصر الاستراتيجي من الدهب اللي ارتفع لحوالي 44.6 طن.

كمان مصر فيها ثروات من الخامات المحجرية زي الحجر الجيري واللي بيغطي 60% من مساحة مصر باحتياطي يصل لـ 15 مليار طن وهو منتج يدخل في أكتر من  30 صناعة وكمان هتلاقي خام الفلسبار باحتياطي حوالي 7 آلاف مليون طن والفوسفات باحتياطيات 3 آلاف مليون طن وخام الألمنيت باحتياطي 80 مليون طن بمتوسط جودة ممتاز ودا بخلاف ثروات مادة الكولين باحتياطي يزيد على حوالي 800 مليون طن والكبريت باحتياطي حوالي 40 مليون طن.

مصر كمان حققت نقلة نوعية في ملف التعدين بعد افتتاح مجمع الرمال السودا واتجهت بعدها لاستغلال الرمال البيضا لتعظيم القيمة المضافة من مواردها الطبيعية و ومستهدف جذب استثمارات بأكتر من 2 مليار دولار  لاستخراج الرمال البيضا واللي بتدخل في عشرات الصناعات وخاصة السليكون واللي بيشكل عصب التطور التكنولوجي العالمي وهو الخام الرئيسي في صناعة الخلايا الشمسية والرقائق الإلكترونية، والتي بتعتبر أساس الطفرة التكنولوجية الأخيرة.

ببساطة مصر عندها مقومات وثروات طبيعية غنية قادرة تغير موازين الاقتصاد المصري والحكومة شغالة دلوقتي وماشية كويس في خطة استغلال الثروات دي وتعظيم القيمة بتاعتها من خلال تصنيع منتجاتها بدل تصديرها خام.