الدولار في مرمى الشائعات.. عز العرب يخرس خفافيش العملة.. ومصر تستقبل الاستثمار العائلي السعودي.. وإيه اللي بيحصل في شرق العوينات - غاية التعليمية

غاية التعليمية يكتُب.. متابعينا الكرام في كل مكان اهلا وسهلا بكم وتحليل جديد لاهم التقارير اللي قدمتها وحدة أبحاث بانكير على مدار الساعة النهاردة الأحد 24 نوفمبر 2024. 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

وفرة الدولار فى البنوك 

منصات بانكير قدمت النهاردة أكتر من تقرير خاص عن الدولار وتوافره بالبنوك ورد على الاشاعات المنتشرة بخصوص مصير الأسعار في الايام الجاية

وشرحت وحدة أبحاث بانكير إن أول خطوة لتصحيح وضع الدولار في السوق والقضاء على تجارة العملة كانت قرار المركزي بتحرير سعر الصرف.. والخطوة دي كانت زي الصدمة لكن مقصود منها وضع قواعد جديدة للعبة.. الدولار بقى بيتحدد سعره في البنوك بشكل واقعي بناءً على العرض والطلب مش حسب أهواء السوق السودا..و الفكرة كانت واضحة خلق سوق رسمي منافس حقيقي.

استعادة ثقة المصريين في الخارج

وشرح التقرير إن المركزي ركز كمان على استعادة ثقة المصريين في الخارج اللي كانت محبطة بسبب مشاكل التحويلات وأسعار الصرف وهنا بدأنا نشوف إجراءات قوية منها تسهيلات جديدة لتحويل الأموال وإعفاءات وتخفيضات على بعض الرسوم وعروض حقيقية من البنوك بتدي أسعار مميزة للتحويلات من برة.

والنتيجة كانت ان تحويلات المصريين في الخارج رجعت ترتفع من جديد، ومعاها الاحتياطي النقدي بدأ يتحسن..و المركزي أثبت إنه قادر يواجه أباطرة السوق السودا، خطوة بخطوة

وشرح التقرير أسباب تحرك سعر الدولار فى البنوك  وقال  إن مرونة سعر الصرف اصبحت شئ طبيعي وصحي وطول ما  القطاع المصرفي قادر على تغطية كافة احتياجات العملاء من النقد الأجنبي والسيولة الدولارية متوافره مش مهم الدولار يتحرك صعودا أو هبوطا المهم انه متوفر .. والأهم ان  الحركة في سعر صرف الدولار الاسبوع اللى فات كانت ناتجة اساسا لأرتفاع مؤشر الدولار امام العملات الرئيسية مش الجنيه المصري بس..

تصريحات هشام عز العرب 

التقرير التالي اللي قدمته منصات بانكير كان بردو عن الدولار  وبخصوص الكلام المهم اللي قاله المصرفي المخضرم هشام عز العرب  ولخص بيه حكاية الدولار واستغرب وسأل هي ليه الناس رابطة الدولار بكرامة الدولة وقال إن الدولار عبارة عن  أداة مالية واقتصادية وان ربطها بكرامة مصر خطأ كبير وغير منطقي طبعا ولازم نتخلص من العقدة دي وتحركات الدولار قدام الجنيه طبيعية تماما زي تحركات الدولار قدام أي عملة تانية ولما الدولار بيرفع قدام الين الياباني السوشيال ميديا هناك مش بتاخد الموضوع على أنه كرامة الين وكرامة اليابان.. دي أسواق ياجماعة والمؤشرات كل دقيقه في حتة يعني مفيهاش مشكلة.

ولفت التقرير إن الأهم في اللي قاله عز العرب في الساعات الأخيرة ان أي تحرك لسعر الدولار دلوقتي طبيعي وفي حدود السوق والأمان وبقي شيء صحي كمان لأنه بيأكد إن سوق الصرف بقي حر ومرن وبيدي رسالة للمستثمرين أن سوق الصرف في مصر مش عليه وصاية ولا توجيه .

الاستثمار العائلي السعودي الجديد في مصر

وحدة أبحاث بانكير قدمت النهاردة تقرير مختلف عن الاستثمار العائلي السعودي الجديد في مصر.

وشرح بانكير إن الاستثمارات السعودية في مصر بتعتبر ركيزة أساسية في الاستثمار العربي والخليجي في السوق المصري والسعودية شريك أساسي لمصر في ملف الاستثمارات

ولفت التقرير إن فيه نوع جديد من الاستثمارات السعودية بدأ يدخل مصر وهو الاستثمار العائلي بمعني فيه شركات متخصصة في إدارة أموال عائلات سعودية ودي بتكون ثرواتهم بالملياارات في دول كتير ودا اللي كشفه رئيس مجلس إدارة شركة "بزنيس سيتي جروب" عن اعتزام عدد من المستثمرين السعوديين ضخ استثمارات بحوالي 150 مليون دولار أمريكي أو ما يعادل 7.45 مليار جنيه في السوق المصرية الفترة الجاية.

وبخصوص الاستثمارات السعودية في مصر سلط تقرير بانكير الضوء على الأرقام والتصريحات الرسمية بتقول إن السعودية نازلة بتقلها في السوق المصري بعد زيارة ولي العهد الأخيرة لمصر  ودا اللي قاله بندر العامري رئيس مجلس الأعمال السعودي المصري والللي أكد إن القطاع الخاص السعودي بيدرس حاليا مشاريع تعزز رفع الاستثمارات في جمهورية مصر الشقيقة بعد توقيع اتفاقية حماية الاستثمارات بين البلدين.

ولفت التقرير إن التعاون بين القطاعين الخاص في السعودية ومصر نتج عنه اتفاقيات لضخ استثمارات ضخمة بقيمة إجمالية 15 مليار دولار في مصر، واللي بتشمل قطاعات الطاقة المتجددة والصناعة والتطوير العقاري، والسياحة إضافة إلى استثمارات في القطاع التقني.
أما الاستثمارات السعودية في مصر فوصلت حوالي 127 مليار ريال، وفيه  805 شركة سعودية شغالة في مصر ووصل حجم التبادل التجاري بين المملكة ومصر، يبلغ حوالي 48 مليار ريال، فيما تقدر قيمة الواردات السعودية من مصر بـ 20 مليار ريال، والصادرات السعودية إلى مصر تصل إلى 28 مليار ريال.
 

توشكى وشرق العوينات

التقرير الأخير اللي قدمته منصات بانكير كان بخصوص  اللي بيحصل في توشكى وشرق العوينات.

ولفت التقرير إن مشروع توشكى اللي الرئيس السيسي أعاده للحياة استقبل استثمارات جديدة وضخمة وكفاية نعرف إن الدولة بتستهدف زراعة 1.1 مليون فدان جديد من خلال مشروع توشكى و شرق العوينات.

وكشف التقرير إن اللي بيحصل من مشروعات في منطقة شرق العوينات محصلش في تاريخ مصر الحديث والمشروعات اللي الحكومة شغالة عليها دلوقتي هتغير شكل الاقتصاد المصري تماما.

وقال التقرير إن مشروع شرق العوينات بيعتبر تانى أكبر مشروع زراعى عملاق بجنوب مصر لزراعة القمح بمساحة تتجاوز 186 ألف فدان وعلى بعد 500 كيلومتر من بحيرة ناصر، والمنطقة مثالية للزراعة لأن فيها تربة غنية وخالية من الملوثات، وبتوصل مساحتها إلى 528 ألف فدان مقسمة إلى قطع نصفها موزع على شركات زراعية تنتج محاصيل متنوعة تقدر بنحو 3 ملايين طن في السنة ودا رقم ضخم جدا على فكرة.

ولفت التقرير إن شرق العوينات مش بس مشروع زراعي  لكن هو مشروع تنموية متكامل بيهدف للتوسع السكاني والتنوع الاقتصادي يعني مخطط تقوم فيها مشروعات صحية ومطار ومرافق وشبكات اتصالات، وفيه أكتر من 30 شركة استثمارية شغالة في المشروع والمستهدف الوصول بحجم الرقعة الزراعية إلى مليون فدان بمنطقة شرق العوينات بحلول عام 2030.