تطور مهم في بنوك مصر.. يا ترى إيه اللي بيحصل في ملف السيولة؟ - غاية التعليمية

غاية التعليمية يكتُب.. يا ترى ايه معنى الزيادة التاريخية بودائع الأفراد بالعملة المحلية في مصر خلال 2024؟  وايه تأثير الزيادة دي على حجم السيولة فى البنوك وحركة الاستثمار فى مصر؟ وليه الناس بتتجه بشكل كبير للاستثمار فلوسها فى القطاع المصرفي؟

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في 2024 البيانات من البنك المركزي بتقول إن ودائع الأفراد في مصر وصلت لأكتر من 6 تريليون جنيه بنهاية السنة مقابل حوالى 5 تريليون جنيه بنهاية 2023.. يعني فيه زيادة هائلة وصلت تقريبًا لأكتر من تريليون جنيه.. أرقام زي دي مش بتتكرر كتير وده بيأكد إن الناس بقوا يحطوا فلوسهم في البنوك بشكل أكبر من أي وقت فات.

إيه السر ورا الزيادة دي؟

لازم نفهم إن في الفترة الأخيرة الحكومة والبنك المركزي شغّالين على رفع أسعار الفايدة.. وفي مارس اللى فات البنك المركزي رفع سعر الفايدة بنسبة 6% دفعة واحدة..  في خطوة جت بعد خفض قيمة الجنيه كجزء من محاولة كبح التضخم.. والنتيجة ان البنوك بدأت تقدم شهادات ادخار بفوائد قياسية وصلت لحد 30%.

الناس بطبيعتها بتدور على العائد المادي.. ومع العوائد العالية دي مين يرفض يحط جزء من مدخراته في البنوك؟ .. وده اللي خلا المدخرات تكبر وتوصل لأرقام قياسية.

مش بس كده..  البيانات كمان بتقول إن أرصدة شهادات الادخار زادت بنحو 913 مليار جنيه ووصلت لمستوى أكتر من  5 تريليون جنيه مقارنة بـ 4 تريليون جنيه قبل كده.. وكمان الحسابات الجارية والتوفير زادت بنحو 263 مليار جنيه ووصلت لـ 642 مليار جنيه.. والأرقام دي بتوضح إن سواء كنت بتحب تخلي فلوسك في شهادات الادخار أو في الحسابات الجارية الناس كلها بتستفيد من الفايدة العالية.

لكن السؤال المهم اللي لازم نسأله: إيه تأثير الزيادة دي على السيولة في البنوك؟
في البداية زيادة الودائع دي بتعني إن البنوك عندها سيولة أكتر تقدر تستخدمها في تقديم القروض للمستثمرين والشركات.. يعني فيه فرص تمويل جديدة لمشروعات تنموية سواء كانت في القطاع الصناعي أو الزراعي أو حتى العقاري.. السيولة دي تعتبر قلب العملية البنكية وكل ما السيولة تزيد بقى بإمكان البنوك تقديم خدمات أحسن وبأسعار فائدة تنافسية أكتر.

من ناحية تانية.. لما السيولة تكون متوفرة.. ده بيساعد على استقرار النظام المالي..و البنك المركزي دايمًا بيحاول يوازن بين ضخ السيولة وبين ضبط معدلات الفايدة عشان يحافظ على استقرار السوق.. والزيادة الكبيرة في ودائع الأفراد بتدي للبنوك القدرة إنها تدير عملياتها بمرونة سواء في منح قروض أو في تنفيذ سياسات مالية تدعم النمو الاقتصادي.

طب يا ترى ده هيأثر إزاي على المستثمرين والسوق؟
لما البنوك يكون عندها سيولة أكتر.. ده بيساعد على إن الشركات والمستثمرين يحصلوا على تمويل بسهولة وبأسعار فائدة أقل.. وفي الآخر ده معناه إن في فرص استثمارية جديدة هتظهر في السوق سواء كانت مشروعات ناشئة أو حتى توسعات للمشروعات القائمة وبالتالي الاقتصاد كله هيستفيد من الحركة دي وهنشوف نقلة نوعية في النمو الاقتصادي.

ولما الناس بتتجه لحفظ مدخراتها في البنوك عشان العوائد العالية ده كمان بيدعم استقرار الجنيه محليًا.. لأن لما الناس تحط فلوسها في الحسابات البنكية ده بيقلل من حجم التداول النقدي وبيساعد على تقليل التقلبات في سعر الجنيه خاصةً في ظل التحديات الاقتصادية العالمية اللي بنواجهها.

وخد بالك  الزيادة في ودائع الأفراد مش بس بالعملة المحلية.. البيانات بتشير كمان إن الودائع بالدولار زادت خلال 2024 بنحو 4.78 مليار دولار. ده بيأكد إن حتى المستثمرين الدوليين والمهتمين بالحفاظ على استثماراتهم في عملات قوية بيهتموا بالسوق المصري.

الكلام ده بيأكد ان  السياسات المالية والنقدية اللي بتتبعها الحكومة والبنك المركزي فعلاً بتحقق نتائج ملموسة..و زيادة ودائع الأفراد للفلوس بتشكل مؤشر إيجابي على ثقة الناس في النظام المصرفي .. وكمان بتفتح الباب لقدرة البنوك على تقديم خدمات أفضل وتمويل مشروعات جديدة.