بتجيب أرباح اكتر من الدهب.. هنقولك إزاي تستثمر في السندات وأذون الخزانة؟ - غاية التعليمية

غاية التعليمية يكتُب.. يا ترى لو معاك فلوس وعايز تستثمرها في حاجة بعيدا عن الدهب، تعمل إيه، هل فعلا في بدايل مضمونة وأرباحها ضخمة وأكتر أمانا، وإيه شكل البدايل دي وامته تبدأ.

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

طبعا الدهب هو من الأوعية الإخارية المهمة، وناس كتير بتلجأ للاستثمار فيه عشان تخفظ فلوسها، بس هل حضرتك تعرف إن في بدايل مربحة أكتر وسهل كمان تفهم بتكسب إزاي، وازاي تحط فيها فلوسك وأنت مطمن بدون مخاطرة.

أول البدايل دي هي شهادات الادخار، وبتعتبر من وسائل الادخار والاستثمار كمان، لأنها بتحقق دخل ثابت بدون أي مخاطرة، ومتاح كمان الاستفادة من أي مبلغ مالي وادخاره واستثماره من خلال الشهادات البنكية دي.

عندك كمان، أذون الخزانة، واللي وبتعتبر واحدة من وسائل الاستثمار الآمنة ومتاحة للجميع، كمان هي مضمونة كإحدى وسائل الادخار والاستثمار.

ممكن كمان حضرتك تشترس سندات، وده بيكون عن طريق البنوك وكمان بتعتبر من الآليات المضمونة للاستثمار والأكتر أمانا.

عندك بردو شراء عقارات، خاصة المتاحة من الدولة، واللي بتكون أحد البدائل المهنة للاستثمار لأنك بتحقق دخل منها ولكن ممكن تحتاج لفلوس كتيرة عشان تشتري وحدات عقارية تقدر تستثمر فيها.

ونقدر نقولك إن الاختيار الاقتصادي الأمثل هو سوق المال، يعني لو كنت من المحترفين وعندك قراءة للميزانيات هتستثمر في سوق المال خاصة وإن في ضمانات لتحقيق الأرباح، وخليك فاكر إن احتفاظك بالفلوس في البيت خسارة، لأن قيمتها بتقل بسبب التضخم، فلازم توجهها للبنوك وتستثمرها بأي صورة متاحة.

كمان من فوائد أو مميزات الاستثمار في السندات، أنها وسيلة ممتازة لتنويع المحفظة الاستثمارية وبالتالي تقليل المخاطر من خلال الاستثمار في أصول غير مرتبطة ببعضها، كمان بتكون اختيار ممتاز لتحقيق عوائد منتظمة.

وبيفضل أغلبية المستثمرين يكون عندهم محفظة استثمار متنوعة عشان يقللوا نسبة المخاطرة، عشان كده لازم المحفظة دي تتكون من سندات وأسهم وفلوس في البنوك، وممن هنا، لازم تختار الوعاء الادخاري اللي بيتناسب مع أهدافك واستراتيجيتك المالية الخاصة.

برضو لازم تختار وعاء له دخل دوري، زي السندات وبيحافظ على رأس مالك أو تقدر تحصل منه على تدفقات نقدية دورية، تقدؤ تعتمد عليها.

وحاول كل فترة تقارن بين الأدوات الاستثمارية وتشوف الأنسب لك، وتوكل على الله.